web counter
LEXO PA REKLAMA!

SHKARKO APP

App Store
Google Play

E fundit!

x

Aksident në Greqi/ Plagosen 16 emigrantë të paligjshëm, një tjetër humb jetën

12 Qershor 2022, 17:27, Kosova & Bota CNA
Aksident në Greqi/ Plagosen 16 emigrantë të paligjshëm,
Makina e aksidentuar

Një aksident tragjik është regjistruar mëngjesin e kësaj të diele në Kretë të Greqisë.

Një makinë më 17 emigrantë të paligjshëm ka dalë nga rruga e për pasojë është përmbysur.

Si rrjedhojë ka ndërruar jetë një pasagjer, ndërsa 16 të tjerë janë lënduar.

Mediet greke raportojnë se aksidenti ndodhi, pasi shoferi gjeorgjian rriti shpejtësinë e mjetit, për t’iu shmangur policisë, pasi kjo e fundit i bëri sinjal të ndalonte.

Në vend që të ndalonte, ai kaloi me shpejtësi. Pas përplasjes, i plagosur lehtë, ai tentoi të arratisej në këmbë, por u kap.

16 migrantët e tjerë, asnjë prej të cilëve nuk u plagos rëndë, u dërguan në spitalet aty pranë.

Ata thanë se ishin sirianë, thotë policia. Identiteti i viktimës nuk u bë i ditur.

Në të njëjtën kohë, policia greke ndaloi edhe një automjet me katër emigrantë dhe një tjetër me tre persona që nuk ishin emigrantë që me sa duket shoqëronin dy automjetet e tjera.

Të tre, si dhe drejtuesi i mjetit tjetër janë arrestuar, tha policia greke./E.K-CNA.al





Lajmet e fundit nga