web counter
LEXO PA REKLAMA!

SHKARKO APP

App Store
Google Play

E fundit!

x

Aksident në Gjermani/ Autobusi nga Kosova përplaset me makinën, disa udhëtarë të lënduar

20 Gusht 2025, 10:34, Kosova & Bota CNA

Aksident në Gjermani/ Autobusi nga Kosova përplaset me makinën,

Kompania "Dubova Reisen" konfirmoi për Radion Evropa e Lirë se një autobus i saj, me udhëtarë nga Kosova, u aksidentua në Gjermani në orët e para të 20 gushtit.

Nga kjo kompani thanë se vetëm tre pasagjerë kanë pësuar lëndime.

“Fatmirësisht, pasagjerët janë mirë, vetëm tre nga ata janë me lëndime të lehta për shkak të dëmtimit të xhamave. Aksidenti ndodhi rreth orës 00:30. Autobusi ishte në trasenë e tij, një makinë ka ardhur nga e majta, nga ana e shoferit, duke ia humbur drejtimin”, thanë nga kjo kompani.

Media gjermane, "Rosenheim24" dhe "Bild" duke cituar policinë gjermane, thanë se 30 persona u lënduan gjatë aksidentit.

Sipas "Bild", gjashtë nga pasagjerët u lënduan rëndë dhe u dërguan në spital, ndërkaq të tjerët, me lëndime më të lehta, u trajtuan në departamentin e zjarrfikësve në Irsshenberg.

Autobusi i aksidentuar po bartte 50 pasagjerë, kur u përplas me një kamion të ngarkuar me mallra në autostradën A8, afër Irsshenbergut gjatë natës.

Autobusi ishte nisur drejt Mynihut dhe shoferi, një slloven 49-vjeçar, siç duket e pa kamionin shumë vonë. Kamioni, i ngarkuar me perime, po drejtohej nga një polak 47-vjeçar. Autobusi u përplas në pjesën e pasme të kamionit, pavarësisht se shoferi tentoi që të shmangte aksidentin.

Pas këtij aksidenti, autoritetet gjermane mbyllën për trafik segmentin A8 për gati dy orë./ Rel





Lajmet e fundit nga