web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ Heroi i ndeshjes së hapjes së Botërorit, Valencia mori fame duke u arratisur nga policia si i dëmtuar

2022-11-20 21:00:50, Sport CNA

VIDEO/ Heroi i ndeshjes së hapjes së Botërorit, Valencia mori

Ener Valencia ishte heroi i ndeshjes së hapjes së Botërorit, duke shënuar dy golat që i dhanë fitoren Ekuadorit ndaj Katarit dhe e bëjnë skuadrën e vendit të tij kandidate për të kaluar fazën në grupe të turneut. Një paraqitje që i jep edhe më shumë famë sulmuesit të Fenerbahçes.

Famë të cilën ë ai e ka marrë sidomos në vitet kur luajti në Angli me skuadrat e Uest Hem dhe Evertron, por edhe me një episod të çuditshëm në kualifikueset e Botërorit 2018.

Në minutën e 82-të të ndeshjes Ekuador-Kili në Kuito, në 6 tetorin e vitit 2016, ai u shtir sikur ishte i dëmtuar që të shoqërohej jashtë stadiumit nga mjekët me një nga makinat e vogla. Pamjet bënë xhiron e rrjetit pasi ajo makinë e vogël u shoqërua me vrap nga më shumë se 10 policë të cilët kishin mbërritur në stadium për ta arrestuar, sapo të përfundonte ndeshja.

Shkak ishte bërë fakti se ai nuk i kishte paguar rreth 17 mijë dollarë ish-partneres për rritjen e vajzës që kishin bashkë dhe gjykata kishte lëshuar urdhër për arrestimin e tij derisa të shlyente detyrimin. Policët ia dolën të ndalonin Valencian para se të linte stadiumin dhe ai u shoqërua më pas në komisariat, ku u gjet akordi për të shmangur burgun dhe ai pagoi detyrimet e prapambetura ndaj ish-partneres.





Lajmet e fundit nga