web counter
LEXO PA REKLAMA!

SHKARKO APP

App Store
Google Play

“Po ia shtrëngojmë lakun”/ Noka: Rama është problem kombëtar për shoqërinë dhe opozitën

2026-03-19 21:27:00, Politikë CNA

“Po ia shtrëngojmë lakun”/ Noka: Rama është

Sekretari i Përgjithshëm i Partisë Demokratike, Flamur Noka e cilësoi sot kryeministrin Edi Rama si një problem kombëtar, jo vetëm për shoqërinë, por edhe për opozitën.

I ftuar në A2 CNN, Noka tha se opozita do të vijojë me një maratonë protestash, për të shtuar presionin e brendshëm ‘për t’i shtrënguar lakun’ kryeministrit.

“Ka vetëm një rrugë, largimin e kësaj qeverie dhe gjetjen e një zgjidhjeje politike që të ketë dy prioritete: institucionalizimin e zgjedhjeve të lira dhe të zhbllokojë procesin e integrimit që e ka bllokuar Edi Rama. Opozita ka deklaruar që do të ketë maratonë protestash duke shtuar presionin e brendshëm, nga ana tjetër faktori i jashtëm që po ia ngushton lakun Edi Ramës. Presioni i jashtëm është evident. Ndërkombëtarët shkallë-shkallë po rrisin presionin dhe po i shtrëngojnë lakun. Rama është problem kombëtar për shoqërinë dhe opozitën, por është bërë edhe problemi i vetëm ndërkombëtar. Por, unë jam nga ata politikanë që kam thënë gjithmonë se i zoti e nxjerr gomarin nga balta. Në fund, ndërkombëtarët kanë bërë detyrat e tyre, se kemi dhe shumë raporte të mëparshme, por tashmë është radha jonë. Në këtë aspekt, ne nuk do të ndalemi deri në gjetjen e zgjidhjes politike”,-tha Noka./CNA

 





Lajmet e fundit nga