web counter
LEXO PA REKLAMA!

SHKARKO APP

App Store
Google Play

E fundit!

x

Von der Leyen: BE do të paraqesë së shpejti paketën e 20-të të sanksioneve për Rusinë

2026-02-02 19:04:00, Kosova & Bota CNA

Von der Leyen: BE do të paraqesë së shpejti paketën e

Presidentja e Komisionit Evropian, Ursula von der Leyen ka zhvilluar pasditen e sotme një bisedë telefonike me presidentin ukrainas, Volodymyr Zelensky. 

Përmes një postimi në platformën ?X?, presidentja e KE-së shprehet se ndërsa Rusia vijon të dyfishojë krimet e luftës, mbështetja e Evropës për Ukrainën mbetet e palëkundur.

Ajo ka bërë me dije se shumë shpejt BE do të paraqesë paketën e 20-të të sanksioneve për Rusinë. Kjo sipas saj bëhet për rritjen e presionit ndaj Rusië me qëllim uljen në tryezën e negociatave.

?Unë fola me Presidentin Volodymyr Zelensky. Këtë pasdite, përpara bisedimeve të paqes të kësaj jave. Ndërsa i afrohemi vitit të katërt të luftës brutale kundër Ukrainës, Rusia vazhdon të dyfishojë krimet e luftës, duke goditur infrastrukturën civile dhe shtëpitë.

Ditë pas dite, vit pas viti, mbështetja e Evropës për Ukrainën mbetet e palëkundur. Po dërgojmë qindra gjeneratorë për të mbajtur ndezur nxehtësinë dhe dritat. Kemi paraqitur një propozim për kredi prej 90 miliardë eurosh për dy vitet e ardhshme. Po përparojmë drejt një kornize të vetme dhe të unifikuar për prosperitet me Ukrainën dhe partnerët tanë amerikanë.

Dhe shumë shpejt, do të paraqesim paketën tonë të 20-të të sanksioneve. Kjo ka të bëjë me rritjen e presionit mbi Rusinë që të ulet në tryezën e negociatave me një qëllim të vërtetë për paqe?, thuhet në postimin e Von der Leyen. /CNA





Lajmet e fundit nga