web counter
LEXO PA REKLAMA!

SHKARKO APP

App Store
Google Play

Ali Ahmeti: Na duhet pajtimi mes Kosovës dhe Serbisë për një Ballkan të qetë

2024-01-31 15:27:00, Kosova & Bota CNA
Ali Ahmeti: Na duhet pajtimi mes Kosovës dhe Serbisë për një
Ali Ahmeti

Kryetari i Bashkimit Demokratik për Integrim në Maqedoninë e Veriut, Ali Ahmeti ka deklaruar së fundmi se ndërmjet Kosovës dhe Serbisë nuk do të ketë Ballkan të qetë e në paqe.

Sipas tij që Ballkani të jetë i qetë e në paqe të qëndrueshme janë të interesuar të gjithë partnerët tanë strategjikë, të cilët edhe na kanë ndihmuar që Ballkani të hyjë në rrjedhja të përhershme dhe historike për të instaluar paqe e ardhmëri.

"Që të mos kemi një Ballkan të qetë, por të trazuar e në flakë është vetëm Kremlini”, ka theksuar Ahmeti në RTK.

Ai theksoi më tej se Maqedonia e Veriut si anëtare e NATO-s dëshiron të bëhet pjesë e BE-së dhe dëshiron të ketë një Ballkan të pastër.

“E për të ardhur deri te Ballkani i pastër na duhet pajtimi. A e dini se si ka filluar procesi i pajtimit ndërmjet Francës, Gjermanisë dhe Italisë. Iniciativa u mor nga korporatat e qymyrgurit dhe çelikut, këtu filloi por në substancë nuk ishin që të bashkoheshin korporatat, por në substancë ishte pajtimi. Pa pajtim, çdo marrëveshje tjetër që do të bëhet është jo e qëndrueshme, e destinuar për dështim. Shqiptarët dhe serbët duhet të pajtohen, ose të vendosin a do të luftojnë”, ka shtuar Ahmeti./CNA 





Lajmet e fundit nga