Drejtësia e re me virus, 7 herë shtyrje për Salianjin/ Nesër pritet shtyrja për gjyqin e Vulës

2023-01-16 11:56:00, Editorial CNA

Drejtësia e re me virus, 7 herë shtyrje për Salianjin/ Nesër

Është shtyrë për të shtatën herë, seanca e Apelit për deputetin demokrat Ervin Salianji.

Justifikimi në 6 "raundet" e para të shtyrjeve, është gjetur tek sëmundjet pa shpjegim të anëtarëve të trupës gjykuese dhe sipas rastit edhe të avokatit.

Kaq baltë janë bërë justifikimet për sëmundjet (deri të gjysheve të gjyqtarëve), saqë apeli i sotem ka njoftuar se një prej anëtarëve nuk merr dot pjesë në seancën e sotme.

Duke na bërë merak për "sëmundjen" misterioze që endet në korridoret e drejtësisë së re, që kap e lëshon me rradhë sipas rradhës anëtarë trupash gjykuese.

Salianji është shpallur fajtor për veprën penale 'kallëzim i rremë' në lidhje me çështjen "Babale" dhe është deklaruar i dënuar me një vit burg nga gjykata e Shkallës së Parë. Edhe në shkallën e parë qarkulloi virusi misterioz, por mutacione të rrezikshme duhet të jenë shfaqur gjatë transferimit të virusit nga Shkalla e Parë në Apel.

Në Apel ka paraqitur ankimim edhe gazetari Jetmir Olldashi, i cili u shpall fajtor nga Shkalla e Pare dhe u dënua me 6 muaj burg të konvertuar në 100 orë shërbim komuniteti.

Nëse Apeli sipas çdo logjike juridike dhe eksperience nga drejtësia e re, do të konfirmojë vendimin e Shkallës së Parë atëherë deputeti Salianji, përcillet në burg direkt nga salla e Gjyqit.

Por virusi sa misterioz aq edhe inteligjent nuk po e lejon Apelin që të marrë vendim.

Akuza ndaj Ervin Salianjit është për 'kallëzim të rremë', e kryer në bashkëpunim.

Skenari i grupit synonte inskenimin e një audio-përgjimi me qëllim përfshirjen e vëllait të ish-ministrit të Brendshëm Fatmir Xhafaj në trafikun e drogës.

Drejtësia e re me virus, 7 herë shtyrje për Salianjin/ Nesër

Nesër pritet pothuajse me siguri kompiuterike, që virusi të prekë trupën gjykuese të gjyqit të Vulës.

Virusi i drejtësisë së Re, po bashkëpunon me Lulzim Bashën dhe po kalkulon ditët e shtyrjeve në mënyrë qe vendimi pro Bashës, të jepet sa më afër ditës kur Bashës do i duhet të depozitojë në KQZ listat për zgjedhjet lokale.

Ndërkohë që Basha bën sikur ka konflikt me Alibeajn, ky i fundit po mundohet të gjejë kandidat për bashki dhe këshillat bashkiak për gjithë Shqipërinë.

Dhe nuk i duhen pak!/CNA.al