LEXO PA REKLAMA!

SHKARKO APP

Zbulohet skenari/ Basha çon Salianjin, të marrë peng PD-në e Korçës

20 Prill 2022, 09:33, Politikë CNA

Komisioni i Rithemelimit, tashmë ka hyrë në selinë e Partisë Demokratike, dhe ndërkohë po zhvillohen edhe zgjedhjet për kryetarët e degëve të PD.

Ndërsa pas Kuvendit të 30 Prillit, Partia Demokratike e Shqipërisë do të ketë edhe strukturat dhe drejtuesit e saj.

Por, ndërsa po zhvillohen zgjedhjet për kryetarët e degëve, në skenë dalin personazhe, të cilët në tetë vite kanë qënë ndër mbështetësit kryesorë të çdo çmendurie politike, të ish-kreut të PD, Lulzim Basha.

Ashtu si ?hijenat?, sërish tentojnë të nxjerrin kokën, të kapin e të shqyejnë çtë mundin.

Një ndër personazhet i cili ka qënë në krah të Bashës, prej rreth tetë vitesh, është edhe deputeti Ervin Salianji. ?Babalja? i Lulzim Bashës ishte në selinë e PD, në 8 Janar, kur u dhunuan demokratët. Është ai që u fotografua, me shkop në dorë.

Dhe, nga ana tjetër, tashmë ?Babalja? i Lulzim Bashës, po tenton marrëveshje me Sali Berishën.

Por, dardha e ka bishtin prapa dhe gjithçka duket të jetë një skenar i Lulzim Bashës për të marrë peng, Partinë Demokratike në Korçë.

Dhe për këtë, Lulzim Basha po tenton të përdorë Ervin Salianjin.

Në garën për kreun e degës së PD, në Korçë janë dy kandidatë.

Së pari, është Ledina Aliolli, një humbëse seriale, e cila ka gjithë jetën që kandidon, por asnjëherë nuk fiton.

Kandidate për kryetare bashkie. Kandidate për kryetare partie. Dhjetë vite kryetare e Lidhjes së Gruas, në Korçë. Gjithmonë kërkonte të kishte karrige. Pra, një nga ato personazhe të politikës, që gjithnjë kërkon karrige.

Nga hiçi bëhet deputete, bëhet kryetare e Gruas. Më parë i ?lëpihej? një ish-prefektje në Korçë, për të bërë karrierë. Më pas shkoi tek drejtuesit politikë të Korçës, e më tej përfundoi tek Lulzim Basha. Dhe tani ka përfunduar tek Ervin Salianji.

Nga ana tjetër, në skenë ka dalë edhe një emër, Devis Osmani.  Ky i mbështetur nga Niko Peleshi, ministri i Edi Ramës.

Pas daljes së kandidatit të mbështetur nga Lulizim Basha, Ledina Aliolli, kreu socialist i qarkut të Korçës, Niko Peleshi si gjithmonë kërkon të marrë nën kontroll drejtimin e opozitës, duke zgjedhur si kandidat për kryetarë të PD-së në Korçë kunatin e kryetarit të Partisë Socialiste, pra të kreut lokal të kësaj partie.

Në rast se humbet Aliolli, pra nuk merr mbështetjen e demokratëve të Korçës për shkak të konsumit që i vjen nga Lulzim Basha, Peleshi ka zgjedhur që të vendosë një tjetër emër, ish sekretarin e degës, Devis Osmanin.

Pra, Peleshi do Ledina Aliollin, pasi fiton nga paaftësia e saj, Ose Devis Osmanin, një ?ushtar? të tij mbeshtetur dhe nga Andrea Mano, ortaku i Niko Peleshit edhe në biznese.

Tashmë skenari është i qartë. Lulzim Basha çon Salianjin, të marrë peng PD-në e Korçës. Ndërsa në këtë rast ?fërkon duart? edhe ministri i Ramës. Në çdo rast, ai do të ishte i fituar.

Nëse drejtimin e PD-së së Korçës e merr kandidatja e Bashës dhe Salianjit, Ledina Aliolli, Peleshi fiton duke pasur përballë një humbëse seriale. Dhe nëse fiton Devis Osmani, përballë do të ketë thjeshtë dhe vetëm ?ushtarin? e tij./CNA.al

Një ?Trëndelinë? për PD-në e Korçës

Kandidatja e Bashës dhe Salianjit shpall platformën e fitores pas 10 humbjeve

Niko Peleshi nxjerr kandidatin e tij për PD-në e Korçës

?Babale? e hëngri ?turpin me bukë?/ Salianji në ?prehrin? e Berishës

Lajmet e fundit nga