web counter
LEXO PA REKLAMA!

SHKARKO APP

App Store
Google Play

E fundit!

x

Bisedimet për presidentin e ri / Mediu: Anashkalimi i procesit në dëm të opozitës

19 Prill 2022, 18:44, Politikë CNA

Kryetari i Partisë Republikane, Fatmir Mediu, thotë se opozita duhet të përfshihet në procesin e propozimeve për zgjedhjen e presidentit të Republikës.

I ftuar në emisionin ?Debat? në A2CNN, Mediu deklaroi se anashkalimi i këtij procesi është në dëm të opozitës.

Ndër të tjera ai shtoi se nëse nuk heqin dorë nga llogoret nuk do të mund tu japin kurrë shqiptarëve atë që presin nga opozita.

?Nëse do të shkoj në konsultimet për Presidentin, do të kërkoj një President konsensual, që është garant i unitetit të popullit, dhe për këtë duhen dy palë që diskutojnë me njëra-tjetrën: pozita dhe opozita. Nuk mund të jenë 10 palë që diskutojnë. E rëndësishme është që opozita të shihet si një e tërë, të ketë një trupë negociatore për këtë çështje. Opozita duhet të përfshihet në proces, e ka detyrim kushtetues. Kushtetuta paracakton detyrimin e palëve për të gjetur konsensus. I vetmi moment kur parashikohet një veprim i njëanshëm i mazhorancës është kur nuk arrihet konsensusi dhe kjo cenon normalitetin politik të vendit. Duke qenë se jemi në këtë fazë, opozita ka për detyrë që të ketë një përfaqësi dhe një mendim të përbashkët. Nuk është hera e parë që opozita vepron në mënyrë të tillë. Edhe në vitin 2002 dhe 2007 ka ndodhur e njëjta gjë, por procesi për arritjen e konsensusit është zhvilluar në të dyja rastet. Anashkalimi i këtij procesi është në dëm të opozitës. Nëse nuk heqim dorë nga llogoret apo nga protagonizmi i individëve, ne nuk do t?i japim dot kurrë shqiptarëve atë që presin nga opozita. Mënyra më e mirë për të negociuar me PS-në, është që të kemi një përfaqësi të përbashkët?, tha Mediu./ CNA.al





Lajmet e fundit nga