Dëshmia e italianit të inceneratorëve/ “Jam takuar disa herë me Erion Veliajn!”

2023-03-31 22:36:00, Denoncim CNA

Dëshmia e italianit të inceneratorëve/ “Jam takuar disa

Kryebashkiaku Erion Veliaj

CNA ka denoncuar prej vitesh aferën e inceneratorëve, në të cilën kanë dalë të lidhur edhe disa shtetas italianë.

Njëri prej tyre ka nxjerrë në pah të tjera detaje të forta nga kjo aferë. Bëhet fjalë për Gabriele Tarroni Longinotti, një biznesmen ish-ortak i Alberto Presezzit, ky i fundit ortak në kompaninë e inceneratorit të Tiranës, si dhe administrator dhe pronar i Shoqërisë "Bruno Presezzi".

Gabriele Tarroni Longinotti ka qenë arrestuar më parë për mashtrim në Tiranë, për llogari të drejtësisë italiane, por tashmë pas daljes nga burgu ka rrëfyer lidhjen me Presezzin.

“Nuk kam asnjë biznes me inceneratorët, por fatkeqësisht personi që më ka përfshirë në probleme, ka të bëjë. Absolutisht ka bërë biznes me inceneratorët. Ishte ai, ish-ortaku im italian nga Monza, ai kam zbuluar më vonë se kishte shumë të bënte. Unë në ndërmarrjen ku punoja, nuk jam marrë asnjëherë me biznesin e energjisë, por vetëm të ushqimit. Blej mish dhe shes mish, blej fruta dhe shes fruta. Ndërsa inceneratorët janë pjesa e energjisë. Të cilën unë asnjëherë s’e kam ndjekur. Por ama ishim në të njëjtën ndërmarrje, një sektor energjie dhe një sektor ushqimi. Dhe unë shikoja atje të gjithë personat që vinin. Pikërisht. Gabriele ka parë të gjithë personat që hynin në kompaninë “Bruno Presezzi”. Mes tyre edhe shqiptarë. Kam parë shumë të tillë, vetëm me njërin kam folur, kryetarin e bashkisë së Tiranës”, u shpreh ai në intervistën për “Piranjat”.

Shtetasi italian pranoi se e ka takuar personalisht dy herë kryebashkiakun Veliaj.

“E kam takuar dy herë në Ciocolati italiani dhe restorantin “Tribe””, theksoi Gabriele Tarroni Longinotti, ndërsa tregoi më shumë rreth çështjes së inceneratorit.

Ai rrëfeu se kompania italiane bleu një incinerator gjysëm automatik të dorës së dytë, në qytetin e Kostancës, të cilin Rumania kërkoi ta çmontojë pasi i shkaktonte shumë shpenzime.

Pas riparimit, shtetasi italian pretendon se Presezzi tentoi ta shiste inceneratorin në Zimbabve, por qeveria e Zimbabveve e kuptoi se diçka nuk shkonte dhe refuzoi ta blejë.

Pikërisht në këtë moment hyn në lojë Shqipëria, e cila u interesua për të blerë inceneratorin dhe në këtë proces Gabriele Tarroni Longinotti pretendon se është përfshirë kryebashkiaku Veliaj.

"Çfarë ndodh? Në mënyrë të habitshme, ky incenerator, që edhe në Afrikë u refuzua, dhe për më tepër ishte bërë një padi ndërkombëtare ndaj këtyre personave, u ble për qindra miliona euro nga qeveria shqiptare. Dhe pastaj, personi që kam njohur dhe i kam folur dy herë, është kryetari i bashkisë Tiranë, ky djalë i ri që shfaqet shpesh në televizion, dhe me të cilin kam folur personalisht, jemi përshëndetur", deklaroi ai.

"Ishte Erjon Veliaj, kryetari i Tiranës, dhe kishte marrë pjesë në blerjen e këtij inceneratori mbeturinë, që nuk dinim kujt t’ia jepnim, dhe të gjithë në kompani ishin të kënaqur, që erdhën këta të gjithë së bashku, ia hodhëm dhe iu shitëm diçka që ishte e pashitshme. Nëse një vidë kushton një cent, dhe unë e shes gjashtë euro, askush në botë nuk mund ta konstestojë. Pse? Nëse unë të gjej ty që je gjysëmbudalla dhe të shes një gjë që kushton një cent dhe ta shes dhjetë, në një shtet si Shqipëria ku gjithçka është e mundur, sepse jetoni në një vend me korrupsion absolut. Në çdo vend të botës, Itali, Zvicër, etj, madje edhe në Zimbabve do të ishte i pamundur. Por në Shqipëri mund të bëhet", nënvizoi më tej Gabriele Tarroni Longinotti?./ CNA.al