web counter
LEXO PA REKLAMA!

SHKARKO APP

App Store
Google Play

Autoritetet italiane sekuestrojnë pako me kokainë me flamurin e Serbisë

2026-07-21 20:51:00, Kosova & Bota CNA

Autoritetet italiane sekuestrojnë pako me kokainë me flamurin e

Autoritetet italiane sekuestruan pako me afër 800 kilogramë kokainë, mbi të cilat ishte vendosur flamuri i Serbisë, njoftoi të martën Guardia Di Finanza.

Në njoftim thuhet se në portin e qytetit Vado Ligure, në veriperëndim të Italisë, u identifikuan 650 pako me drogë, me një peshë totale prej më shumë se 770 kilogramësh, për të cilat testet paraprake kanë treguar se bëhet fjalë për kokainë me pastërti të lartë.

Policia italiane publikoi një video ku shihet se mbi pakot ndodhet flamuri i Serbisë. Në njoftim nuk specifikohet se për ku ishte destinuar kjo dërgesë me kokainë.

Në përgjigje të pyetjes së Radios Evropa e Lirë, Guardia Di Finanza nuk bëri të ditur nëse flamuri i Serbisë tregon për lidhje me grupe kriminale në Serbi, as nëse janë arrestuar shtetas të Serbisë.

Sipas njoftimit, ngarkesa me drogë ishte fshehur me kujdes mes dhjetëra paleta me banane brenda një kontejneri frigoriferik që kishte mbërritur nga një port i madh në Ekuador.

Ky operacion është rezultat i përpjekjeve të përqendruara në rrugët tregtare që lidhin Amerikën e Jugut me portin Vado Ligure, i cili cilësohet si një nyje gjithnjë e më e rëndësishme e flukseve tregtare evropiane dhe, rrjedhimisht, një objektiv tërheqës për aktivitetet e tregtisë së paligjshme.

Sipas, Guardia Di Finanza, sekuestrimi i afër 800 kilogramëve kokainë është ndër operacionet më të rëndësishme kundër kontrabandës së drogës të zhvilluara në portin e Vados në vitet e fundit.

Sipas policisë italiane, vlera e kokainës së sekuestruar në tregun me pakicë arrin në rreth 250 milionë euro. /REL





Lajmet e fundit nga