web counter
LEXO PA REKLAMA!

SHKARKO APP

App Store
Google Play

E fundit!

x

Masakra në Fushë-Krujë/ Gledis Nano zbret në terren, ultimatum krerëve të policisë

2022-07-17 22:40:00, Aktualitet CNA
Masakra në Fushë-Krujë/ Gledis Nano zbret në terren,
Drejtori i Përgjithshëm i Policisë së Shtetit, Gledis Nano

Masakra e ndodhur mesditën e sotme në mbikalimin e Fushë-Krujës, ka vënë në lëvizje policinë, e cila ka ngritur një sërë pikash kontrolli dhe ka organizuar disa operacione.

Pas vrasjes së trefishtë, edhe drejtori i Përgjithshëm i Policisë së Shtetit, Gledis Nano, ka zbritur në terren.

Nano ka shkuar në Fushë-Krujë dhe zhvilluar një takime me krerët e policisë së DVP Durrës, e Komisariatit të Policisë Krujë dhe të Departamentit të Policisë Kriminale.

Nano ka kërkuar një analizë të detajuar të fakteve e provave. Gjithashtu ka kërkuar të mblidhen kamerat në një territor të gjerë, të bëhen monitorime me dronë e kamera termike.

Ai ka deklaruar se ngjarja duhet të zbardhet sa më parë, duke vënë në shqyrtim të gjitha pistat dhe autorët e mundshëm.

Ndërkohë, kujtojmë se nga breshëria e plumbave mbetën viktimë shtetasit Brilant Martinaj, Besmir Hoxha dhe Diklen Vata.

Martinaj dhe Hoxha nuk mundën të dilnin nga makina që u përfshi nga flakët dhe u dogjën brenda saj.

Nga ana tjetër, Vata doli nga makina dhe tentoi të largohej me vrap, por u qëllua për vdekje nga autorët./ B.A. – CNA.al





Lajmet e fundit nga