web counter
LEXO PA REKLAMA!

SHKARKO APP

App Store
Google Play

E fundit!

x

Zhvlerësimi i euros/ Ibrahimaj: Jemi të shqetësuar për bizneset e eksportit

4 Korrik 2023, 23:04, Ekonomi CNA

Zhvlerësimi i euros/ Ibrahimaj: Jemi të shqetësuar për

Ministrja e Financave, Delina Ibrahimaj, foli mbrëmjen e sotme për zhvlerësimin e euros.

Ibrahimaj tha se është e shqetësuar për bizneset e eksportit, por dhe për ecurinë e tyre për vitet e ardhshme sepse dalin në humbje.

Ajo deklaroi në emisionin e Erla Mëhillit qeveria ka marrë masa në mënyrë që përshpejtimi i rimbursimit të TVSH-së të jetë në një kohë sa më të shkurtër.

“I kemi ndjekur me seriozitet të gjitha ecuritë e kohëve të fundit në lidhje me forcimin e lekut apo zhvlerësimin e euros apo efektet që kjo ka pasur në ekonominë tonë. Jemi takuar me shoqatat që kanë qenë  të prekura nga zhvlerësimi i euros dhe jemi munduar bashkarisht për masat që mund të marrë qeveria për të gjetur zgjidhje.

Ne vijim të takimeve që kemi pasur, kemi vendosur që të marrim masa për të qenë sa më pranë eksportuesve. Kemi marrë masa në mënyrë që përshpejtimi i rimbursimit të TVSH të jetë në një kohë sa më të shkurtër. Jemi të shqetësuar për këtë kategori biznesesh, por dhe për ecurinë e tyre për vitet e ardhshme sepse dalin në humbje. Shpenzimet janë në lekë dhe të ardhurat janë në euro. Kjo do të thotë se të ardhurat janë më të ulëta në krahasim me shpenzime”, theksoi ministrja./ CNA.al





Lajmet e fundit nga