web counter
LEXO PA REKLAMA!

SHKARKO APP

App Store
Google Play

E fundit!

x

Zhvlerësimi i euros dhe forcimi i lekut/ Ibrahimaj, e shqetësuar

4 Korrik 2023, 12:01, Ekonomi CNA

Zhvlerësimi i euros dhe forcimi i lekut/ Ibrahimaj, e shqetësuar

Përgjatë vitit 2023 kemi parë një zhvlerësim të ndjeshëm të euros në raport me lekun.

Ministrja e Financave, Delina Ibrahimaj, në një konferencë për mediat renditi arsyet e këtij zhvlerësimi.

“Më e ndjeshme ka qenë ecuria e forcimi të lekut krahasuar me euron. 

Rritja a forcimi i lekut ndaj euros vjen si pasojë e strukturës së ekonomisë dhe performancës sidomos me forcimin e eksporteve, eksporteve të shërbimeve të lidhura me turizmin, por dhe rritjen e investimeve të huaja direkte që kanë sjellë kapitale në valutë, të cilat kanë ndikuar në forcimin e kursit të këmbimit.

Kjo dukuri vjen si pasojë edhe e regjimit të kursit të këmbimit që ne kemi. Ky regjim ka ndikuar pozitivisht në absorbimin e goditjeve që ekonomia shqiptare dhe globale ka pësuar. Një prej elementeve që ka mbajtur inflacionin me norma të kontrolluara veç politikave të qeverisë ka qenë kursi fleksibël i këmbimit që ka lejuar që inflacioni i importuar, i cili përbën pjesën më të madhe të inflacionit vendas, të ketë një ndikim më të ulët nga ai që do të kishte po të kishim një kurs këmbimi të fiksuar”, u shpreh Ibrahimaj./ CNA





Lajmet e fundit nga