web counter
LEXO PA REKLAMA!

SHKARKO APP

App Store
Google Play

E fundit!

x

Zhvlerësimi i euros/ Gent Sejko: Nuk kemi arsye për të ndërhyrë në kursin e këmbimit

5 Korrik 2023, 17:37, Ekonomi CNA
Zhvlerësimi i euros/ Gent Sejko: Nuk kemi arsye për të
Guvernatori i Bankës së Shqipërisë, Gent Sejko

Guvernatori i Bankës së Shqipërisë, Gent Sejko, u pyet ditën e sotme gjatë një konference për shtyp për zhvlerësimin e euros.

Sejko tha se Banka e Shqipërisë nuk ka bërë ndërhyrje në kursin e këmbimit. Ai tha se Banka ndërhyn në kursin e këmbimit “kur ka çrregullime nga faktorë spekulativë apo kur blen valutë për krijimin e rezervës”.

Në rastin aktual, ai deklaroi se "nuk sheh një arsye për të ndërhyrë në kursin e këmbimit”.

Megjithatë, Sejko theksoi se javën që vjen do të bëjnë takim me bankat e nivelit të dytë për të diskutuar rreth bizneseve që preken nga kursi i këmbimit.

“Ne synojmë të përshpejtojmë ritmin e rritjes ekonomike. Kursi i këmbimit është një nga faktorët që ka ndikuar për të mbajtur inflacionin në kontroll. Ne e bëjmë analizën si të tërë. Edhe Banka e Shqipërisë informon se kursi i këmbimit vjen si pasojë e përmirësimit në balancin e pagesave. Edhe 3 mujori i parë të 2023 tregon se kemi rritje të të ardhurave të hyra nga turizmi që thuajse është dyfishuar, nga investimeve direkte. Kemi blerje të pasurive të patundshme dhe rritje të remitancave. Këto 3 kanale kanë burime të mjaftueshme hyrjesh në valutë të huaj, kryesisht në euro.

Për sa kohë që kursi i këmbimit përcaktohet nga faktorë realë, ne nuk shohim arsye për të ndërhyrë në kursin e këmbimit. Ky është qëndrimi i BSH për kursin e këmbimit. Javën që vjen në kemi përgatitur një mbledhje me bankat e nivelit të dytë, për të diskutuar efektet në bizneset që preken nga kursi i këmbimit dhe për të rritur bashkëpunimin mes bizneseve të prekura dhe bankave”, nënvizoi ndër të tjera Guvernatori i Bankës së Shqipërisë./ CNA.al





Lajmet e fundit nga