web counter
LEXO PA REKLAMA!

SHKARKO APP

App Store
Google Play

E fundit!

x

Tenderët/ Qeveria lidhi 1 miliard euro kontrata gjatë 2023-shit

13 Mars 2024, 10:41, Ekonomi CNA
Tenderët/ Qeveria lidhi 1 miliard euro kontrata gjatë 2023-shit
Foto ilustruese

Vitin e shkuar institucionet publike në vend nënshkruan kontrata me vlerë totale 111.7 miliardë lekëve apo mbi 1 miliard euro.

Agjencia e Prokurimit Publik në analizën vjetore të vitit 2023 nënvizon se kjo shumë përkon me një numër prej 4007 kontratash, të cilat kishin një fond limit prej 125 miliardë lekësh. Finalizimi i garës për këto procedura ka bërë që fondi i fituar ndaj atij limit të jetë sa 84.9 për qind. Një shifër kjo dukshëm më e ulët në raport me vitet e tjera kur ka qenë mbi 90 për qind(konkretisht në vitin 2022 kjo shifër ishte 91.6 për qind.

“Sa i takon kursimit, gjatë vitit 2023 konstatohet fakti se vlera totale e kursyer e procedurave të fituara ndaj fondit total limit shprehur në përqindje është 15% dhe krahasuar me vitin e kaluar kjo vlerë është domethënëse më e lartë se në vitin 2022 (ku kjo vlerë ishte 8.4%) gjë që tregon rritje të efektivitetit në përdorimin e fondeve publike”, vlerëson APP në raport.

I njëjti dokument vlerëson se edhe numri i procedurave me negocim pa shpallje paraprake ka pasur një peshë të ulët në totalin e fondit të prokuruar dhe të fituar.

“Krahasuar me numrin total t? procedurave t? përfunduar me fitues (procedura mbi kufirin e procedurave me vlerë të vogël + negocim pa shpallje), procedurat me negocim pa shpallje paraprake të njoftimit të kontratës përbëjnë 2.9% t? tyre. N? çdo rast, sikundër rezulton nga t? dhënat e analizuara, fondi i fituar p?r procedurat me negocim pa shpallje paraprake të njoftimit të kontratës (2.3 miliardë lekë) është shumë më i ulët, krahasuar me fondin e fituar të procedurave të përfunduara me fitues (procedura mbi kufirin e procedurave me vlerë të vogël +negocim pa shpallje) (114 miliardë lekë) duke z?n? vetëm 2% t? fondit total t? fituar të procedurave t? përfunduara me fitues”, thuhet në raport.

Në total në sistemin e APP-së gjatë vitit 2023 janë publikuar 5250 procedura me një fond limit prej 134 miliardë lekësh. Të paktën 1369 procedura janë anuluar përgjatë vitit të shkuar çka ka bërë që numri i procedurave për të cilën është finalizuar gara të jetë më i ulët. Kjo do të thotë se më pak se 1 në katër procedura prokurimi të hapura në sistem është anuluar.

Sipas APP-së, nga analizimi i të dhënave për periudhën janar – dhjetor 2023 vërehet se numrin më të madh të procedurave të shpallura e zënë procedurat për prokurimin e mallrave me 2,785 procedura të shpallura në total ose 53% të procedurave të shpallura, duke vijuar me procedurat për shërbimet 1,528 procedurave të shpallura në total ose 29% dhe të punëve publike 937 procedura të shpallura në total ose 18%./Monitor





Lajmet e fundit nga