E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Numri i bizneseve të çregjistruara në vite në tatime arrin në mbi 69 mijë

8 Mars 2024, 12:14, Ekonomi CNA

Numri i bizneseve të çregjistruara në vite në tatime arrin

Teksa Shqipëria prej vitesh i ka lehtësuar procedurat për hapjen e një biznesi të ri, mbyllja e tyre ka rezultuar përherë një proces i vështirë që kërkon kohë dhe shoqërohet me kosto.

Të dhënat zyrtare nga Drejtoria e Përgjithshme e Tatimeve tregojnë se gjendja e tatimpaguesve të çregjistruar, progresive në sistemin e ri tatimor në fund të 2023, rezulton me 69,600 tatimpagues (në këtë shifër përfshihen bizneset e mbyllura në vite).

Vetëm për vitin 2023 rezultuan të çregjistruar në Regjistrin Kombëtar të DPT 3,100 tatimpagues, të cilët përmbushën dhe detyrimet ligjore.

Procesi i çregjistrimit të tatimpaguesit finalizohet në Drejtoritë Rajonale Tatimore. Për të realizuar këtë proces certifikatat e çregjistrimit (kopje) të lëshuara nga QKB aktualisht dërgohen direkt në DRT përkatëse në bazë të marrëveshjes që është rënë dakord me QKB-në, pasi aty kryhen dhe veprimet konkrete për çregjistrimin e tatimpaguesit edhe nga Regjistri i tatimpaguesve te DRT.

Por tatimet pohojnë se procesi i çregjistrimit vijon të ndeshet me vështirësi, pasi finalizimi nuk mund të realizohet vetëm nga tatimorët.

Mospërmbushja e kushteve ligjore nga ana e tatimpaguesve bëhet pengesë për çregjistrim, pasi nuk arrijnë të paguajnë të gjitha detyrimet dhe të dorëzojnë të gjitha deklaratat tatimore.

Gjithashtu pengesë për çregjistrim bëhet mosveprimi i punonjësve të kontrollit për të vlerësuar deklaratat dhe llogarinë përkatëse të tatimpaguesit në kohën e duhur, dhe i mosmiratimit të çregjistrimit nga ana e tyre, për të cilat pengojnë çregjistrimin e tij, arsyetojnë tatimet.

Çregjistrimi nuk mund të bëhet edhe kur tatimpaguesi nuk paraqet dokumentacionin mbi vendin e biznesit nëse e ka me qira apo jo.

Aplikimi për çregjistrimin e personit fizik bëhet "online", duke plotësuar formularin "online" me qëllim mbylljen përfundimtare të aktivitetit.

QKB, me marrjen e kërkesës për çregjistrim të personit fizik, pasi kryen verifikimet dhe vëren përmbushjen e kushteve për regjistrim. Më pas Administrata tatimore, brenda 10 ditëve pune nga data e paraqitjes së kërkesës për çregjistrim të personave fizikë, është e detyruar të verifikojë dhe të vlerësojë situatën tatimore të subjektit në llogarinë e tij në kontabilitetin dhe sistemin e të dhënave që disponon, si dhe për deklaratat e padorëzuara nga ai, administrata tatimore njofton brenda këtyre 10 ditëve tatimpaguesin.

Kur administrata tatimore, sipas analizës së riskut, gjykon se është e nevojshme të ushtrojë kontroll në mjedisin ku kryen veprimtarinë subjekti, ky kontroll dhe pasqyrimi i tij në situatën e tatimpaguesit nuk mund të zgjasë më shumë se 30 ditë pune. Nëse organi tatimor nuk ka paraqitur ndonjë kundërshtim me shkrim brenda afatit ligjor 30 ditë pune, Qendra Kombëtare e Biznesit, kryen menjëherë çregjistrimin e subjektit./Monitor