web counter
LEXO PA REKLAMA!

SHKARKO APP

App Store
Google Play

Sigurimi i depozitave bankare/ Xhaferri: Rritja me 400%, si premtimi i Nanos për paratë e piramidave

14 Tetor 2025, 13:35, Ekonomi CNA

Sigurimi i depozitave bankare/ Xhaferri: Rritja me 400%, si premtimi i Nanos

Deputeti demokrat, Besart Xhaferri, ishte sot i pranishëm në Komisionin e Ekonomisë dhe në fjalën e tij u ndal te situata me sigurimet bankare.

Xhaferri ironizoi se rritja me 400% e sigurimit të depozitave bankare në 5 vite është si premtimi i ish-kryeministrit Fatos Nano për kthimin e parave të humbura në piramida.

Xhaferri shtoi se në krahasim me vendet e BE-së, Shqipëria ka një shumë maksimale shumë të ulët që mbulohet nga depozituesit, me 2.5 milionë lekë.

“Rritja me 400% e sigurimit të depozitave bankare në 5 vite, si premtimi i Nanos për kthimin e parave të humbura në piramida!

Sot, në punimet e Komisionit të Ekonomisë, ngrita shqetësimin për sigurimin e depozitave bankare, ku kjo qeveri ka premtuar që deri në vitin 2030 të rrisë me 400% vlerën e depozitave bankare të siguruara.

Aktualisht, në Shqipëri, shuma maksimale që mbulohet për çdo depozitues, në çdo bankë, është 2.5 milionë lekë të rinj, ndërkohë që në BE është 100 mijë euro.

Premtimi i kësaj qeverie për ta çuar në 100 mijë euro shifrën e depozitës bankare të siguruar deri në 2030 është si zotimi i Fatos Nanos për t’u kthyer shqiptarëve paratë e humbura në piramida.

Sot kërkova sqarime se si Shqipëria do të arrijë të sigurojë këtë shumë depozitash bankare dhe, mbi të gjitha, ekspozova faktin se është një gënjeshtër që bankat mbulojnë kostot për këto depozita, sepse në fund janë qytetarët ata që paguajnë çdo kosto”,-tha Xhaferri./CNA

 





Lajmet e fundit nga