web counter
LEXO PA REKLAMA!

SHKARKO APP

App Store
Google Play

Shtrenjtohet kredia, rriten edhe interesat e borxhit qeveritar

30 Qershor 2022, 16:01, Ekonomi CNA
Shtrenjtohet kredia, rriten edhe interesat e borxhit qeveritar
Banka e Shqipërisë

Rritja e çmimeve ka shënuar edhe fundin e epokës të interesave bankare të uëlta.

Sipas të statistikave të fundit të Shoqatës së Bankave, normat e interesit të kredive janë rritur në muajin prill dhe maj.

Interesi për kreditë në lekë për blerjen e shtëpive arriti në 3.7% në fund të majit, ndërsa interesat në euro 3.9%.

Kjo është hera e parë që interesi në euro për individët që blejnë shtëpi, kalon interesin në lekë.

Mesatarisht norma e interesit për këtë segment është rritur me 0.4 pikë përqindje.

Edhe për sektorin privat interesi i kredisë është rritur.

Kredia më e shtrenjtë është ajo për hapjen e një biznesi të ri. Norma mesatare e interesave bankare në fund të majit arriti në 10 % nga 7% që ishte një vit më parë.

Në tregun e brendshëm qeveria e ka blerë më shtrenjtë borxhin këtë periudhë. Interesi i bonove të thesarit në ankandin e fundit shkoi në 2.5% nga 1.4% që ishte një vit më parë.

Në fund të marsit Banka e Shqipërisë rriti me 0.5% normën bazë të interesit për lekun, si masë për frenimin e rritjes së inflacionit./euronews





Lajmet e fundit nga