web counter
LEXO PA REKLAMA!

SHKARKO APP

App Store
Google Play

Shqipëria në SEPA/ BE në Tiranë: Standardizon pagesat ndërkufitare, tarifa jo më shumë se 2 euro

21 Tetor 2025, 10:31, Ekonomi CNA


Që nga 7 tetori, Shqipëria i është bashkuar SEPA-s. Me këtë rast, përfaqësia e Bashkimit Europian në Tiranë ka ndarë një mesazh të përcjellë edhe gjatë një aktiviteti të organizuar në kryeqytet.

Siç theksohet edhe përmes një njoftimi, Bashkimi Europian ka luajtur një rol vendimtar për mbështetjen e integrimit të Shqipërisë në SEPA. Komisioni Europian u mundësoi vendeve kandidate të Ballkanit Perëndimor për në BE të aplikonin për anëtarësim në SEPA dhe e përfshiu anëtarësimin e Shqipërisë si një shtyllë kyçe të Planit të tij të Rritjes për rajonin. Kjo e ngriti SEPA-n në një përparësi kombëtare, duke nxitur koordinim të shpejtë mes institucioneve shqiptare.

Gjatë gjithë procesit, Komisioni Europian dhe Delegacioni i Bashkimit Europian në Shqipëri, e shoqëruan Shqipërinë në këtë proces dhe ofruan mbështetje të vazhdueshme teknike dhe financim, përfshirë edhe përmes projektit të Modernizimit të Pagesave në Ballkanin Perëndimor të udhëhequr nga Banka Botërore.

Sipas zyrës së BE-së, tani që Shqipëria është ndër vendet më të fundit që iu bashkua pagesave SEPA, një nismë e Bashkimit Europian që standardizon pagesat ndërkufitare, duke siguruar të njëjtat rregulla, standarde dhe kosto për 41 anëtarët e SEPA-s, tarifa për transferimin e kësaj shume nuk është më shumë se 2 euro.

BE thekson se përmes Zonës Unike të Pagesave në euro, qytetarët shqiptarë tani mund të dërgojnë dhe të marrin pagesa në euro me të njëjtat kushte si qytetarët e vendeve të BE-së, për sa u përket tarifave, kohëzgjatjes së përpunimit dhe standardeve të sigurisë./CNA





Lajmet e fundit nga