web counter
LEXO PA REKLAMA!

SHKARKO APP

App Store
Google Play

Shpenzimet në projektbuxhetin për vitin 2026/ 10 milionë lekë për inceneratorin e Tiranës

4 Nëntor 2025, 17:21, Ekonomi CNA

Shpenzimet në projektbuxhetin për vitin 2026/ 10 milionë

Projektbuxheti për vitin 2026 parashikon një sërë shpenzimesh në fusha të ndryshme. Ndër to edhe shpenzimet që do të përdoren për të mbështetur financiarisht koncencionet dhe PPP-të aktive.

Në dokument bie në sy se te shpenzimet e parashikuara nga Ministria e Mjedisit dhe Bashkia Tiranë është bërë një plan për shpenzime për inceneratorin e Tiranës.

Kjo shifër kap vlerën prej 10 milionë lekë.

Shpenzimet në projektbuxhetin për vitin 2026/ 10 milionë
Tabela e shpenzimeve

Kujtojmë se i inceneratori i Tiranës, i shumëpërfolur përgjatë viteve të fundit, nuk është ndërtuar ende, pra është inekzistent.

Në tabelë, është përcaktuar se këto para do të shkojnë për katëgorinë: Ndërtimi i landfillit, inceneratorit dhe rehabilitimit të venddepozitave ekzistuese Tiranë dhe prodhimin e energjisë elektrike. Do të jenë shpenzime korrente.

Nuk është e qartë se çfarë do të ndodhë realisht dhe se për çfarë do të shkojnë këto para.

Ndërkohë në projektbuxhet janë parashikuar edhe këto shpenzime:

33.6 milionë lekë për Rrugën e Arbrit

20 milionë lekë për shërbime laboratorike spitalore

15 milionë lekë për shërbimin e skanimeve në dogana

Gjithashtu, janë parashikuar edhe shpenzime për autostradën Milot-Morinë, shërbime për mjetet kirurgjikale, dializë në 5 spitale rajonale, e të tjera./CNA

 





Lajmet e fundit nga