web counter
LEXO PA REKLAMA!

SHKARKO APP

App Store
Google Play

E fundit!

x

Rritet norma bazë e interesit/ Sejko: Shkak inflacioni i lartë

1 Nëntor 2023, 16:30, Ekonomi CNA
Rritet norma bazë e interesit/ Sejko: Shkak inflacioni i lartë
Guvernatori i Bankës së Shqipërisë, Gent Sejko

Banka e Shqipërisë ka rritur me 0.25% normën bazë të interesit për lekun.

Lajmin e bëri të ditur Guvernatori i Bankës së Shqipërisë, Gent Sejko gjatë një konference për shtyp.

Sejko tha se me rritjen norma e interesit ka shkuar në 3.25%. Shkak për këtë vendim sipas tij është bërë inflacioni i lartë kryesisht i produkteve të shportës.

Gjithashtu, Këshilli Mbikëqyrës i Bankës së Shqipërisë rriti me 0.25% edhe normën e interesit të kredisë njëditore, duke e çuar atë në nivelin 4.25%, si dhe normën e interesit të depozitës njëditore, duke e çuar atë në nivelin 2.25%.

"Këshilli Mbikëqyrës i Bankës së Shqipërisë vendosi:

- të rrisë me 0.25 pikë përqindjeje normën bazë të interesit, duke e çuar atë në nivelin 3.25%;

- të rrisë me 0.25 pikë përqindjeje normën e interesit të kredisë njëditore, duke e çuar atë në nivelin 4.25%;

- të rrisë me 0.25 pikë përqindjeje normën e interesit të depozitës njëditore, duke e çuar atë në nivelin 2.25%.

Këshilli Mbikëqyrës gjykoi se reduktimi i stimulit monetar, përmes normalizimit të mëtejshëm të qëndrimit të politikës monetare, është një masë e nevojshme për të garantuar kthimin e inflacionit në objektiv brenda vitit të ardhshëm. Ai faktorizon nevojën për një rol më aktiv të politikës monetare në drejtim të balancimit të kërkesës dhe ofertës për mallra e shërbime, përkundrejt pritjeve për një ecuri më të stabilizuar të kursit të këmbimit dhe një politike fiskale më neutrale në horizontin afatmesëm. Në këtë kontekst, ai i shërben ruajtjes së fuqisë blerëse të familjeve shqiptare, garantimit të stabilitetit monetar e financiar të ekonomisë, si dhe zhvillimit të qëndrueshëm dhe afatgjatë të vendit", theksoi Sejko./ CNA





Lajmet e fundit nga