web counter
LEXO PA REKLAMA!

SHKARKO APP

App Store
Google Play

E fundit!

x

Projekt-buxheti 2024/ 141 milionë euro për kontratat koncesionare, ja si llogariten të ardhurat, shpenzimet dhe deficiti

31 Tetor 2023, 17:16, Ekonomi CNA
Projekt-buxheti 2024/ 141 milionë euro për kontratat koncesionare, ja
Foto ilustruese

Qeveria ka publikuar projekt-buxhetin për vitin 2024.

Në projekt-buxhet rezulton se për vitin 2024 të ardhurat do të jenë 674 696 milionë lekë; shpenzimet 735 976 milionë lekë dhe deficiti 61 280 milionë lekë.

Ai përbëhet nga buxheti i shtetit, buxheti vendor dhe fondet speciale: sigurimet shoqërore, sigurimet shëndetësore dhe kompensimi i ish-pronarëve.

Nga buxheti total 14,2 miliardë lekë janë përcaktuar vetëm për 11 kontrata koncesionare, ku vërehet një rritje e buxhetit për këtë sektor krahasuar me një vit më parë  që ishte rreth 13 miliardë lekë.

Nuk do të ketë pagesa për koncesionin e inceneratorit të Elbasanit dhe atë të Fierit, pasi konsiderohen si jo-aktive.

Pagesat do ta jenë si më poshtë:

1.Koncesioni i Ndërtimit dhe Operimi të Rrugës së Arbrit, mbi 3.5 miliardë lekë. 

2.Ofrimi i Shërbimeve laboratorike spitalore do të marrë nga buxheti i shtetit pagesa me vlerë 1.79 miliardë lekë.

3.Koncesioni/PPP (Ofrimi i setit të personalizuar të instrumenteve kirurgjikale, material mjekësor steril një përdorimesh në sallat kirurgjikale, trajtimi i mbetjeve biologjike dhe dezinfektimi i sallave kirurgjikale), pagesat për këtë kontratë do të jenë 1.75 miliardë lekë. 

4.Koncesioni Shërbimit të Skanimit në Dogana 1.6 miliardë lekë. 

5.Për kontratën koncesionare për Ndërtimin e Landfillit, inceneratorit dhe rehabilitimit të vend depozitimeve ekzistuese Tiranë dhe prodhimin e energjisë elektrike pagesat do të jenë në vlerën mbi 1.2 miliardë lekë. 

6.Koncesionin e dializës do të marrë 920 milionë lekë, më pas vjen koncesioni/PPP i kontrollit baze i popullsisë 35-70 vjeç (check up) do të marrë pagesa në vlerën 876 milionë lekë. 
7.Për koncesionin e përmirësimit të infrastrukturës arsimore në Bashkinë Tiranë janë planifikuar pagesa 745 milionë lekë.

8.Kontrata për Ndërtimin dhe Operimin e Portit Jahteve Orikum – Dukat 976 mln lekë

9. Ndërtimi, Operimi dhe Mirëmbajtja e Rrugës Milot-Morinë 738 mln lekë./ CNA





Lajmet e fundit nga