web counter
LEXO PA REKLAMA!

SHKARKO APP

App Store
Google Play

Mallrat me vlerë mbi 430 euro në valixhe, detyrim për deklarim në doganë

24 Shkurt 2026, 07:39, Ekonomi CNA

Mallrat me vlerë mbi 430 euro në valixhe, detyrim për deklarim

Nëse valixhja e një udhëtari që hyn në Shqipëri mban mall me vlerë më të lartë se 430 euro, ajo duhet të deklarohet. Deklaratës duhet t’i shtohet edhe destinacioni i këtij malli, nëse është për qëllim tregtar ose jo.

Udhëtarët që vijnë nga një shtet tjetër në Shqipëri, përjashtohen nga detyrimet e importit për mallrat që gjenden në bagazhin e tyre personal. Për këto mallra, ata nuk paguajnë taksë doganore, vetëm nëse nuk kanë për qëllim përdorimin tregtar.

Vlera e mallrave që përfitojnë përjashtim, pa përfshirë këtu produktet e duhanit dhe alkoolit, për udhëtarët në rrugë tokësore është 300 euro. Ndërkohë, për udhëtarët në rrugë ajrore ose në rrugë detare 430 euro për çdo individ.

Gjatë hyrjes në territorin shqiptar, udhëtari duhet të deklarojë mallrat nëse janë me vlerë më të lartë se kufiri përkatës i sipërpërmendur si dhe nëse janë për qëllime tregtare.

Autoritetet doganore kanë të drejtën t’i kërkojnë atij që hyn në vendin tonë që të tregojë të gjitha mallrat që transporton.

Për mallrat me natyrë jotregtare në bagazhin e udhëtarëve që e tejkalojnë kufirin e pataksueshëm nga detyrimet doganore të importit, kryhet deklarimi doganor nëpërmjet procedurës së “Deklarimit të thjeshtuar”.

Informimi bëhet për të parandaluar çdo problematikë, të cilën mund ta hasin qytetarët, kushtet kur nuk janë të qartë për detyrimet ligjore në vendin tonë, apo për të parandaluar kalimin e mallrave të pataksuara për qëllime tregtare.





Lajmet e fundit nga