web counter
LEXO PA REKLAMA!

SHKARKO APP

App Store
Google Play

E fundit!

x

BSH: Korridori VIII, instrument integrimi ekonomik dhe institucional për Shqipërinë

18 Shkurt 2026, 16:46, Ekonomi CNA

BSH: Korridori VIII, instrument integrimi ekonomik dhe institucional për

Zëvendësguvernatorja e Dytë e Bankës së Shqipërisë, Natasha Ahmetaj mori pjesë këtë të mërkurë në Forumin Ekonomik “Ndërlidhja strategjike dhe rritja ekonomike rajonale: Potenciali ekonomik i Korridorit VIII”, organizuar në kuadër të Ministerialit të Korridorit VIII në Tiranë.

BSH: Korridori VIII, instrument integrimi ekonomik dhe institucional për

Në fjalën e saj, Ahmetaj theksoi se stabiliteti makroekonomik dhe financiar përbën parakusht për realizimin e projekteve të mëdha infrastrukturore dhe për përfitimin maksimal nga potenciali i tyre zhvillimor.

“Korridori VIII nuk është vetëm një projekt transporti. Ai përfaqëson një instrument integrimi ekonomik dhe institucional, në përputhje me katër liritë themelore të Bashkimit Evropian: lëvizjen e lirë të kapitalit, mallrave, shërbimeve dhe njerëzve. Për Shqipërinë, ky korridor përkthehet në ulje të kostove të tregtisë, rritje të konkurrueshmërisë dhe forcim të rolit të Portit të Durrësit si nyje logjistike rajonale. Në këtë kontekst, Banka e Shqipërisë luan një rol kyç në procesin e integrimit evropian përmes përafrimit të kuadrit rregullator dhe mbikëqyrës me standardet e BE-së, forcimit të mekanizmave mikro- dhe makroprudencialë, si dhe modernizimit të infrastrukturës së pagesave. Harmonizimi i legjislacionit financiar dhe përgatitja e sistemit bankar për integrim më të thellë në tregun financiar evropian janë pjesë e angazhimit të vazhdueshëm të institucionit për të garantuar stabilitet dhe besueshmëri. Përfshirja në SEPA është një hap konkret në këtë drejtim, duke mundësuar pagesa më të shpejta dhe me kosto më të ulëta me vendet e Eurozonës, dhe duke mbështetur zhvillimin ekonomik përgjatë Korridorit VIII”,-theksoi Ahmetaj./CNA





Lajmet e fundit nga