web counter
LEXO PA REKLAMA!

SHKARKO APP

App Store
Google Play

BE jep 200 milionë euro për zhvillimin e centraleve të vogla bërthamore për energji me karbon të ulët

11 Mars 2026, 12:09, Sociale CNA

BE jep 200 milionë euro për zhvillimin e centraleve të vogla

Komisioni Europian po mbështet zhvillimin e reaktorëve bërthamorë të vegjël (SMR) për të siguruar energji me karbon të ulët dhe për të stabilizuar furnizimin me energji në Europë.

Plani synon të përshpejtojë investimet dhe procedurat e miratimit për këto centrale të vogla bërthamore, të cilat konsiderohen një teknologji premtuese për prodhimin e energjisë së pastër dhe të qëndrueshme.

Presidentja e Komisionit, Ursula von der Leyen, njoftoi një garanci prej rreth 200 milionë eurosh për të mbështetur investimet private në teknologjitë bërthamore inovative. Paratë do të vijnë nga sistemi i tregtimit të emetimeve të karbonit të BE-së.

Sipas saj, qëllimi është të zvogëlohet rreziku për investitorët, të tërhiqen investime të reja private dhe të përshpejtohet zhvillimi i teknologjive bërthamore me emetime të ulëta.

Komisioneri Europian për energjinë, Dan Jorgensen, tha se çmimet e larta të energjisë në Europë lidhen me varësinë nga importet e karburanteve fosile dhe me paqëndrueshmërinë e tregjeve globale.

Investimi në infrastruktura energjetike dhe teknologji të reja si SMR mund të ndihmojë në uljen e çmimeve të energjisë, sigurimin e furnizimit energjetik, arritjen e objektivave klimatikë të BE-së.

Më shumë se 10 vende të BE-së kanë shprehur interes për zhvillimin e këtyre reaktorëve në dekadën e ardhshme./CNA





Lajmet e fundit nga