web counter
LEXO PA REKLAMA!

SHKARKO APP

App Store
Google Play

Pas reshjeve në Divjakë-Karavasta/ Foletë e pelikanit kaçurrel i shpëtojnë përmbytjes

8 Mars 2026, 17:37, Sociale CNA

Pas reshjeve në Divjakë-Karavasta/ Foletë e pelikanit

Pelikani kaçurrel, siç njihet ndryshe pelikani dalmat, është një nga llojet e ralla të shpendëve që rritet e zhvillohet pa shtegtuar në Lagën e Karavastasë.

Vitet e fundit ka qenë ndër shpendët e mbrojtur, teksa vendosja e moratoriumit të shpendëve ndikoi në folezimin në Divjakë-Karavasta, vendin e vetëm të folezimit të pelikanit kaçurrel në Shqipëri.

Pas reshjeve në Divjakë-Karavasta/ Foletë e pelikanit

Një detaj i rëndësishëm për këtë shpend të veçantë vjen edhe nga Shoqata Ornitologjike e Shqipërisë (AOS), që ka si një fokus të veçantë edhe mbrojtjen e pelikanit kaçurrel. Bazuar në konstatimet e shumta në terren, që prej janarit 2026, shira të pandërprerë dhe prurje të jashtëzakonshme përmbytën lagunën dhe një pjesë të mirë të Myzeqesë.

Në mesin e shkurtit 2026, ishujt natyrorë të Lagunës së Karavastasë u zhdukën nën ujë. Edhe pse peizazhi u shndërrua në një hapësirë të pafundme uji, mbi këtë sipërfaqe qëndronin të papërmbytur vetëm shtretërit e folezimit, bashkë me foletë me vezë të pelikanit kaçurrel, duke treguar kështu se mund t’i rezistojnë edhe kushteve më ekstreme të motit.

Pas reshjeve në Divjakë-Karavasta/ Foletë e pelikanit

Kujdesi për foletë e pelikanit kaçurrel në zonën e Lagunës së Karavastasë lidhet jo vetëm me rehabilitimin, por me një mision për mbrojtjen e shpendëve të rrallë që rriten në vend./CNA

 

 

 

 

 





Lajmet e fundit nga