web counter
LEXO PA REKLAMA!

SHKARKO APP

App Store
Google Play

Informaliteti, vrojtimi i KI-së: Më i lartë se në 2019, ligji për të ardhurat do ta rrisë më tej

16 Prill 2024, 14:53, Ekonomi CNA
Informaliteti, vrojtimi i KI-së: Më i lartë se në 2019,
Foto ilustruese

Biznesi percepton se informaliteti në ekonomi është më i lartë se në vitin 2019, edhe pse më i ulët se në vitin 2022.

Një vrojtim i Këshillit të Investimeve me 601 kompani ka dalë në përfundimin se sektori energjetik është ai që percepton më pak informalitet se sektorët e tjerë.

“Në një masë të konsiderueshme, biznesi pranon ekzistencën e informalitetit, më shumë se në 2019, por më pak se në 2022. Bujqësia, përpunimi, industria dhe shërbimet perceptojnë më shumë informalitet. Energjia percepton më pak informalitet krahasuar me sektorët e tjerë.

Informaliteti në kulmin e tij forma shfaqet si evazion fiskal, puna e paregjistruar dhe mosregjistrimi—një trend i ruajtur gjate viteve”, thuhet në një nga përfundimet e vrojtimit.

Por cilat janë arsyet që nxisin këtë informalitet. Sipas renditjes në anketë duket se taksat qendrore apo barra e përgjithshme fiskale është arsyeja kryesore që nxit informalitetin. Madje sipas vrojtimit ligji i ri për të ardhurat perceptohet se do të nxisë edhe më tej rritjen e informalitetit.

“Faktori më i i rëndësishëm që promovon informalitetin është barra fiskale në nivel qendror, që ka zëvendësuar konkurrencën e pandershme që rezultonte në 2019-2022. Ligji  i ri mbi të ardhurat vazhdon të konsiderohet si një element që do të rrisë informalitetin në vend”, thuhet në vrojtim.

Gjetjet e Këshillit të Investimeve ndalen edhe te sfidat e biznesit edhe me produktivitetin dhe inovacionin përveç informalitetit. Konkretisht sipas KI “77% e kompanive po hartojnë strategji për të investuar në rritjen e produktivitetit”.

Po kështu digjitalizimi është identifikuar si një faktor i rëndësishëm për mbarëvajtjen e komunikimit eficient me administratën tatimore dhe përmirësimin e shërbimit ndaj klientit.

Një tjetër element sipas vrojtimit është që inovacioni dhe shpërndarja efikase e burimeve, veçanërisht në Kërkim & Zhvillim, shihen si prioritare për rritjen e konkurrencës së qëndrueshme dhe produktivitetit./Monitor





Lajmet e fundit nga