E fundit!

08:16 Kosova & Bota

Parlamenti i Hungarisë voton për shkarkimin e presidentit nga detyra

Parlamenti i Hungarisë ka miratuar shkarkimin e Presidenti...

Skandali me kopshtin privat pa licencë/ Shteti qorr e shurdhmemec

9 Nëntor 2023, 13:28, Denoncim CNA

3 ditë më parë u denoncua në emisionin “Stop” dhuna barabare që bëhej në kopshtin privat “Stinët” në kryeqytet.

Njëra nga edukatoret dhunonte një vajzë 3-vjeçare, së cilës i theu edhe këmbën.

Pas publikimit të këtij rasti u konstatua se kopshti privat ishte pa licencë.

Në fakt, në skandal nuk është vetëm kopshti privat, por përfshihen edhe institucionet shtetërore.

Disa institucione mbyllën sytë dhe lejuan të zhvillohej aktiviteti i një kopshti pa licencë me dhjetëra fëmijë.

Dhuna në kopshtin privat/ Ministria e Arsimit: I palicencuar, kemi ngritur task forcë për verifikime të subjekteve
7 Nëntor, 12:50

Kopshti ishte lehtësisht i identifikueshëm nëpërmjet fasadës së saj shumëngjyrëshe, ku nuk fshihej as emri i aktivitetit privat.

Edhe pse gjithçka ishte hapur, asnjë masë nuk u mor ndaj këtij kopshti.

Institucionet ose nuk kanë kryer kontrolle, ose janë “porositur” të mos marrin masa ndaj këtij aktiviteti. Fakt mbetet që sido të ketë qenë situata, institucionet janë hapur në shkelje.

Ku ishte Inspektoriati i Shëndetësisë?

Ku ishte Inspektoriati i Tatimeve?

Ku ishin inspektorët e Bashkisë së Tiranës?

Ku ishte Inspektoriati i Punës?

Ku ishte Policia Bashkiake?

Ku ishte Ministria e Arsimit?

“Vajza rënkon nga dhimbjet”, “Stop” siguron të tjera pamje filmike nga kopshti privat në Tiranë
7 Nëntor, 21:28

Përse asnjëra nga këto institucione nuk e pa një kopsht me një hapësirë të madhe, që mbante brenda dhjetëra fëmijë, të cilët rezultoi se dhunoheshin?

Përse nuk është kontrolluar deri më tani vila private në të cilën “edukoheshin” fëmijë?

Përse askush nuk u interesua të shohë se me çfarë ushqeheshin ata fëmijë?

Përse askush nuk shkoi të shikojë se si trajtoheshin ata fëmijë?

Përse askush nuk shkoi të shikojë kushtet në të cilat qëndronin fëmijët minimalisht 5-6 orë në ditë?

Përse askush nuk shkoi të kontrollojë nëse stafi i atij “institucioni edukativ” ishte i kualifikuar?

U desh dërgimi në spital i një fëmijë nga dhuna barbare e edukatores që të konstatohej ky kopsht privat që jo vetëm nuk kishte një licencë, por i trajtonte fëmijët mizorisht.

Aq i vogël qe kopshti me dhjetëra fëmijë brenda sa nuk e pa njeri?

Këta nuk shikojnë as një vilë të madhe me fasada shumëngjyrëshe, ku dhunohen me dhjetëra fëmijë.

Dhjetëra persona paguhen për të siguruar mirëqenien e fëmijëve dhe asnjëri prej tyre nuk e pa se çfarë bëhej me të vegjëlit në një godinë të madhe.

Në Shqipëri asnjëri nuk shikon asgjë, e gjithë administrata, të gjitha autoritetet përgjegjëse janë qorre dhe shurdhmemece, që tregon sa të korruptuar deri në palcë janë drejtuesit dhe punonjësit e institucioneve dhe inspektoriateve përkatëse që duhet të kontrollonin ekzistencën e këtij kopshti pa licencë.

Skandaloze! Edukatorja dhunon barbarisht 3-vjeçaren në kopshtin privat. E vogla dërgohet me këmbë të thyer në spital
6 Nëntor, 21:46

Tashmë qeveria na njofton se do të ngrejë një task-forcë në bashkëpunim me institucionet arsimore dhe Policinë e Shtetit për të kryer kontrolle për aktivitete të tilla të paligjshme.

Kjo është një kosto shtesë për xhepat e shqiptarëve, pasi për këtë punë paguhen dhjetëra persona nga institucionet e sipërpërmendura.

Çështja tashmë është në duart e drejtësisë, e cila duhet të zbardhë ngjarjen dhe të dërgojë para drejtësisë personat përgjegjës, e bashkë me ta edhe personat që mbyllën sytë përballë një aktiviteti privat pa licencë, që rezultoi se nuk edukonte, por dhunonte fëmijët./ CNA