E turpshme në Korçë/ Mësuesja cigare në shkollë, protesta nga lokalet e zhabave

10 Tetor 2022, 19:14, Denoncim CNA

E turpshme në Korçë/ Mësuesja cigare në shkollë,

Shkolla Demokracia, Korçë

Është e turpshme, ndoshta e pabesueshme, por po ndodh në qytetin e Mësonjëtores së Parë Shqipe.

Disa mësues të emëruar nga politika, apo me mbështetje politike, të cilët pijnë duhan në shkollë, nuk shkojnë, nuk paraqiten në punë dhe nuk duan të ketë rregull ashtu siç duhet në një institucion arsimor, prej disa ditësh kanë filluar një fushatë të turpshme kundër drejtuesve të shkollës.

Dhe kjo fushatë ka një qëllim të vetëm, të bëjnë si të duan, të shkojnë në punë kur të duan, të pijnë cigare në ambjentet e shkollës e të tjera si këto.

G. Ashimi

E në rast se duhen emra, le të përmendim G. Ashimin, që tymos në korridoret e shkollës, apo militantin e PD-së, L. Trebicka, i cili edhe pse në shkollë tjetër, kujton se shkolla e sundikatat janë si çetat e kunatit të Lulzim Bashës apo Aldo Manos.

L.Trebicka

A duhet përfshirë këtu Blerina Qemali apo ndonjë tjetër? Mësuese që u kontaktua nga ne si media, por sjellja e saj ishte si e një nxënësi të keq, të paedukuar.

Këta skenaristë dhe disa të tjerë janë persona që nuk kanë shkuar në shkollë, krijojnë incidente, konflikte, kërkojnë të marrin ditët e punës edhe kur nuk janë fare, apo të tymosin në shkollë si në klubet e natës.

Në fakt, dhe aty me ligj nuk lejohet dhe jo në shkollë.

B. Qemali

Ka dhe të tilla

Sot në Korçë, ka shkuar dhe Sindikata e Arsimit e bashkë me ata që përmendëm më sipër kanë shëtitur lokaleve, duke ndërtuar rrugën e gjoja një ankese apo proteste nga disa mësues, që në fakt duhet të ishin zhdukur nga sistemi, kjo edhe për faktin se po gënjejnë publikisht institucionet për abuzimet në shkollë.

Dhe për më tepër, sot duke u zhgërryer lokaleve të zhabave (bretkosave) në Korçë, në dreka me këmbë bretkosash e avuj alkooli, duke ndërtuar skenarë e duke mashtruar thjeshtë dhe vetëm për të shpëtuar lëkurën dhe fshehur skandalet e tyre.

Lokalet e zhabave ku mblidhen skandalozët e turpshëm nuk mundet të marrin peng institucionet arsimore me kërcënime, kur thjeshtë dhe vetëm këta mësues, që edhe këtë titull nuk e meritojnë, janë zullumqarë që fëmijët nuk i meritojnë t’i kenë në shkollë.

E pabesueshme, por ndodh në Korçë që Sindikata e Arsimit të bëjë takime lokaleve me mësuesit gjoja në emër të një ankese, që në fakt është një e pavërtetë që po përdoret me një grup abuzuesish, të cilët duhet të mbajnë përgjegjësi penale përpara institucioneve, pa folur më tej që tani nuk duhet të ishin më mësues për të gjitha ato që përmendëm më lart dhe ato që do të sjellim në vijim./ B.A. – CNA.al