web counter
LEXO PA REKLAMA!

SHKARKO APP

App Store
Google Play

E fundit!

x

Bujqësia, stallë në shërbim të Andis Sallës/ Zbërthehet skandali, qëllimet e errëta të ministrit

18 Nëntor 2025, 19:13, Denoncim CNA

Bujqësia, stallë në shërbim të Andis Sallës/

Kthimi i Ministrisë së Bujqësisë në një stallë të madhe në shërbim të ministrit Andis Salla dhe konjukturave të tij është raportuar dje në CNA.

Ne kemi sjellë pjesën e parë të një shkrimi se si i hetuari nga SPAK-u, Dritan Palnikaj, nipi i Agim Ismailit, personit të marrë nën akuzë për vjedhjen e të dhënave sekrete nga dosjet e SPAK-ut, ka kërkuar që të japë dorëheqjen drejtori i peshkimit Enton Spaho, Doktor Shkencash i emëruar një vit më parë në këtë detyrë dhe në vend të tij të vendosej Vasjar Sherrmadhi nga Shtermeni i Cërrikut, një ushtar i bindur i ministrit Salla.

Është kërkuar gjithashtu që Spaho të kalojë te drejtoria e atij që quhet zëdhënësi dhe punëmbaruari i madh i Ministrisë së Bujqësisë, Arian Demiri.

CNA theksoi se ky informacion kishte ardhur nëpërmjet zëdhënësit “de facto” të institucionit, zotit Demiri, dhe ne, siç premtuam, do të vazhdojmë të sjellim materiale të tjera mbi skandalet që po ndodhin në Ministrinë e Bujqësisë.

Presionet janë të vazhdueshme, janë pa ndalim, që njerëzit të japin dorëheqjen dhe të zëvendësohen më pas me militantë të LSI-së, me hajdutë, apo dhe me persona me precedentë penalë që të bëhet komplet kapja e institucionit, pra Ministrisë së Bujqësisë në të gjitha strukturat e saj.

Ministri po i ndërron të gjithë njerëzit që ka në strukturat e kësaj ministrie me një qëllim të vetëm.

Bujqësia, stallë në shërbim të Andis Sallës/
Ministri Andis Salla

Ai ka filluar betejën e tij për t’u rritur politikisht dhe qëllimi është që të zëvendësojë Arbjan Maznikun në pozicionin kyç të drejtuesit politik të PS-së në Elbasan.

Për t’u forcuar politikisht ai po bën këto lëvizje si qoka, pra për t’u dhënë personave që kanë influencë në Qarkun e Elbasanit apo “shesin mend” se kanë 2,5 apo 10 vota, përfshirë individë të caktuar me dosje të dyshimta, që të marrin ofiqe në Ministrinë e Bujqësisë dhe më pas Andis Salla të luftojë për t’u bërë drejtues politik i Qarkut të Elbasanit pas largimit të Taulant Ballës, të cilin Salla po e kënaq me emërimin e zëvendësministrit.

Por le të qëndrojmë pak se si ish-kryetari i Bashkisë së Cërrikut, Altin Toska, është njeriu që po lufton për të emëruar drejtorin e ri të Peshkimit në Ministrinë e Bujqësisë, Vasjar Sherrmadhin.

Pra, skema nuk është thjesht dhe vetëm një njeri direkt nga ministri në emërim, por dhe indirekt, persona për ata të cilët mund të sjellin influencën politike, për të bërë të mundur që ministri Salla të ecë përpara në karrierën politike, për të marrë detyra të rëndësishme.

Siç CNA ka theksuar më sipër, ne njërën nga skemat që përmendëm ishin edhe emërimet e caktuara të personave që ministri Salla po i bënte për të kapur Elbasanin. Dhe një nga lojërat do të ishte emërimi i njerëzve të Taulant Ballës.

Eraldo Xhani pritet të marrë postin e zëvendësministrit të Bujqësisë

Bujqësia, stallë në shërbim të Andis Sallës/

CNA ka mësuar se Eraldo Xhani, një nga asistentët e Taulant Ballës dhe ish-këshilltari i këtij të fundit, pritet të marrë postin e zëvendësministrit të Bujqësisë, dhe kjo jo pa qëllim.

Ministri Salla në finale kërkon që të bëhet një drejtues politik. Atëherë, duke pasur në krah si zëvendësministër një ish-këshilltar të zotit Balla, i cili ka qenë dhe drejtues i Qarkut, nuk është pa asnjë peshë.

Nga ana tjetër, me emërimet, qokat, skandalet që po ndodhin në Ministrinë e Bujqësisë, për ta kthyer në një stallë, e cila të shërbejë si sallë për ta bërë ministrin Salla drejtues politik të Qarkut të Elbasanit, po çmontohet një strukturë me vlera, me profesionistë, për t'u emëruar që nga militantët e LSI-së, njerëz të korruptuar, njerëz me probleme dhe me dosje, për të dalë në qëllimin final emërimi i zotit Salla si drejtues politik i Qarkut të Elbasanit, për të goditur kështu Arbjan Maznikun, i cili tashmë ka marrë një rol dytësor në Kuvend, duke drejtuar një Komision, atë të Reformës Administrative.

Nga ana tjetër ministri Salla kërkon që të shtrijë tentakulat e tij nga Ministria e Bujqësisë, për të marrë jo vetëm drejtorë, struktura e institucione të rëndësishme që mund t'i ngrenë peshën politike, por edhe disa bashki për të emëruar njerëzit e rekomanduar prej tij, të cilët më pas do ta bëjnë atë dhe drejtues politik të Qarkut të Elbasanit.

Pra, lëvizjet janë të gjithanshme: sa në bashki, në drejtori, në struktura, në institucione, apo dhe qoka për marrëveshje në distancë dhe veprime, siç është ai i lëvizjes për të emëruar Eraldo Xhanin si zëvendësministër të Bujqësisë, ish-këshilltarin e kreut të grupit parlamentar të Partisë Socialiste sot, zotit Taulant Balla./ CNA





Lajmet e fundit nga