web counter
LEXO PA REKLAMA!

SHKARKO APP

App Store
Google Play

Plasin skandalet te Bujqësia/ I hetuari nga SPAK-u presion drejtorëve për dorëheqje, ministria drejt "stallëzimit"

17 Nëntor 2025, 13:37, Denoncim CNA

Plasin skandalet te Bujqësia/ I hetuari nga SPAK-u presion drejtorëve

Situata në Ministrinë e Bujqësisë po agravon ditë pas dite që me vajtjen e ministrit të ri Andis Salla, që po kërkon ta kthejë ministrinë në stallë ose institucion paraburgimi ku ka drejtuar edhe më parë.

Në të gjitha skemat dhe skenarët e tij Salla përdor sekretarin e përgjithshëm të institucionit, Dritan Palnikaj, ky i fundit i njohur si person nën hetim nga SPAK-u për skandalin e vjedhjes së disa dosjeve hetimore online. Palnikaj është thirrur në SPAK më 20 mars 2025.

Ai është nipi i Agim Ismailit, person i marrë nën akuzë nga SPAK-u pas arrestimit të Arnold Rrokajt dhe Zambak Gjonit.


Dritan Palnikaj njihet si një nga njerëzit e përdorur nga Engjëll Agaçi, si mercenar i këtij të fundit, kohë më parë ai u përfshi në skandal kur ishte Sekretar i Përgjithshëm në Ministrinë e Brendshme duke shkatërruar procesin e mirëmbajtjes së regjistrit kombëtar të gjendjes civile.

Plasin skandalet te Bujqësia/ I hetuari nga SPAK-u presion drejtorëve
Dritan Palnikaj

CNA ka zbuluar skemat nga burimet e “zëdhënësit fuqiplotë” të Ministrisë së Bujqësisë, Arjan Demiri, i cili raportohet si figura kyçe që koordinon këto ndryshime me Palnikajn dhe urdhrat antiligjorë të ministrit Salla që ndoshta e shikon ministrinë si stallë apo burg ku duhet të përfundojnë shkelësit e ligjit, disa bashkëpunëtorëve të vetë ministrit.

Burime nga korridoret e ministrisë raportojnë se Sekretari i Përgjithshëm Dritan Palnikaj, me urdhër të ministrit, ka bërë presion që Enton Spaho, drejtor i Përgjithshëm i Peshkimit dhe i titulluar Doktor Shkencash të lirojë vendin e drejtorit i emëruar në nëntor 2024 dhe të kthehet te drejtoria e Arian Demirit.

Në vend të tij, sipas informacioneve që ka siguruar CNA, kërkohet që të vendoset Vasjar Sherrmadhi nga Shtermeni i Cërrikut, i cili do të emërohet Drejtor i Përgjithshëm i Peshkimit. Ndërkohë, Spaho pritet të konkurrojë për një vend tjetër pune brenda ministrisë.

Burimet e CNA-së theksojnë se ndryshimet bëhen pjesë e një lëvizjeje më të gjerë politike brenda ministrisë, që synon të vendosë persona dhe vegla të ministrit në pozicione kyçe, duke përfshirë edhe zëvendësimin e drejtuesve aktualë, që njihen si profesionistë, me militantë dhe sekserë të ministrit.

Arjan Demiri raportohet si figura kyçe që koordinon këto ndryshime në bashkëpunim me Dritan Palnikajn.

CNA ka mundur të sigurojë informacion edhe për emra të tjerë që pritet të marrin poste kyçe në Ministrinë e Bujqësisë që po kthehet në “stallën” e ministrit Salla dhe vartësve të tij nën hetim nga SPAK-u./CNA





Lajmet e fundit nga