web counter
LEXO PA REKLAMA!

SHKARKO APP

App Store
Google Play

E fundit!

x

400 banorë mësyjnë në zyrat e ujësjellësit/ Institucioni nxjerr të vdekurit debitorë

8 Qershor 2023, 21:37, Denoncim CNA

400 banorë mësyjnë në zyrat e ujësjellësit/

Jemi në Milot pasi nga 960 abonentë, 400 prej tyre dalin debitorë në vitet 2007-2013, vite, kur nuk ka patur fare ujë dhe banorët janë faturuar aforfe, për taksën e matësit të ujit.

Banorët thonë, se janë faturuar nga 200-500 mijë Lekë te vjetra padrejtësisht. Të dëmtuarit nga kjo masë tregojnë se kanë qenë të rregullt nga vitet 2013 -2023.

Por tani kanë dalë debitorë për vitet 2007- 2013, pas plot 15 vjetësh.

“I kemi paguar fizikisht në dorë dhe në arkë. Çuditërisht rezultojnë të papaguara si në dorë, si në arkë, që në libra rezultojnë të paguara”, tha një banor.

“Sa mbaruan zgjedhjet doli kjo puna e debisë. Deri në 2023 nuk u kujtua asnjë”, tha një tjetër.

“Ja libreza në emër të babës tim, jam debitor 300 mijë Lekë. Baba im ka 5 vjet që ka vdekur”, tha një banor tjetër.

Gazetarja, bashkë me banorët e zonës shkon tek zyra e ujësjellësit Milot, ku specialistja i thotë, se 400 abonentë janë debitorë në sistem. Për më tepër ajo i drejton në drejtori.

“Me vendim këshilli kanë hyrë në sistem si debitorë. Për këtë më shumë tek drejtoria. Kaq më kanë thënë. I kam thënë që shko tek ndërmarrja se ato i kanë të dhënat”, u shpreh punonjësja.

Drejtori i zyrës së Ujësjellësit Lezhë, i heq të gjitha përgjegjësitë për rastin, duke e kaluar topin në Njësinë e Shërbimit Kurbin.

“Këtë përgjigje do ta merrni tek Njësia e Shërbimit Kurbin. Tani është krijuar (problemi). Përgjigjen do ta merrni tek Njësia e Shërbimit Kurbin”, u shpreh ai.

Në Njësinë e Shërbimit Kurbin na thonë se sipas dokumenteve këta banorë rezultojnë debitorë në sistem. Por kur verifikojmë një rast që ka librezë, fletë libri dhe në sistem del debitor, punonjësi pranoi gabimin.

“Sistemi është debitor 4 muaj. Është gabim teknik, gabim njerëzor. Mos bëj pyetje të vështira”, tha ai./ tvklan





Lajmet e fundit nga