web counter
LEXO PA REKLAMA!

SHKARKO APP

App Store
Google Play

E fundit!

x

Mijëra fëmijë ukrainas të rrëmbyer dhe të mbyllur në kampe riedukimi në Rusi

23 Shkurt 2023, 08:44, Blog CNA

Mijëra fëmijë ukrainas të rrëmbyer dhe të mbyllur

Mijëra fëmijë dhe adoleshentë ukrainas janë rrëmbyer me forcë dhe janë dërguar në Rusi. Ndërsa qeveria e Vladimir Putin këmbëngul se kjo është një masë për të garantuar sigurinë e të miturve në zonat e luftës, ka disa raporte që denoncojnë planet për t’i riedukuar ata me vlerat ruse.

Por për qeverinë e Kievit ky është një gjenocid i vërtetë. Sipas faqes së internetit “Children of War”, që përdoret nga qeveria ukrainase për të gjetur fëmijët e humbur që nga fillimi i luftës, janë të paktën 14.000 të mitur të zhvendosur me forcë në territorin rus.

Daria Herasimçuk, Komisionere për të Drejtat e Fëmijëve dhe Rehabilitimin e Ukrainës thotë se “ky është gjenocidi i popullit ukrainas nëpërmjet fëmijëve”. “Ata i rrëmbejnë nga zonat e pushtuara, u ndryshojnë shtetësinë, i japin për birësim dhe kryejnë ndaj tyre dhunë seksuale dhe krime të tjera”- shton ajo.

Raporti i publikuar nga Unioni Europian i Transmetuesve (BE), pretendon se është verifikuar transferimi i më shumë se 6000 fëmijëve ukrainas në kampet e riedukimit në Rusi.

Dokumenti ka mbledhur informacion mbi procedurën përmes së cilës fëmijët nga zonat nën pushtimin rus në Ukrainë, përfshirë Zaporizhia, Kharkiv, Kherson, Donetsk dhe Lugansk, marrin pasaporta ruse dhe vendosen nën kujdestarinë e përkohshme të familjeve ruse apo të institucioneve shtetërore në territorin rus.

Mijëra fëmijë ukrainas të rrëmbyer dhe të mbyllur

Si mbështetje, raporti zotëron dhe video filmike, dëshmi dhe deklarata nga disa zyrtarë. Kohët e fundit, Shkolla e Shëndetit Publik në Universitetin e Jeilit në SHBA, publikoi një raport duke pretenduar se të paktën 6000 fëmijë dhe adoleshentë ukrainas janë transferuar nga zonat e pushtuara në 42 kampe përqendrimi në Rusi për “riedukimin” e tyre.

Hulumtimi argumenton se ka prova të plota se Rusia ka shkelur Konventën e Gjenevës dhe traktatet e tjera ndërkombëtare, që mbrojnë fëmijët në konflikte të armatosura. Kremlini vazhdon të heshtë mbi këtë situatë, pasi e mohon se bëhet fjalë për një fushatë dëbimesh të imponuara.

Nëpërmjet profilit të tij në kanalin Telegram, ambasada ruse në Shtetet e Bashkuara këmbëngul: “Rusia ka pranuar fëmijët që janë detyruar të ikin me familjet e tyre nga bombardimet dhe mizoritë e Forcave të Armatosura të Ukrainës. Ne po bëjmë gjithçka që të miturit t'i mbajmë pranë familjeve të tyre, dhe në rastin e vdekjes ose mungesës së prindërve ose familjes i kalojmë ata nën kujdestari. Ne garantojmë mbrojtjen dhe mirëqenien e tyre”.

Filipo Grandi, komisioner në Komisionin e Lartë të Kombeve të Bashkuara për Refugjatët, e komentoi kështu situatën e fëmijëve në luftën në Ukrainë:

“Në luftë nuk është e mundur të përcaktohet nëse fëmijët jetojnë në familjet e tyre apo janë nën kujdestari. Ndaj deri sa të ketë sqarim të plotë, atyre nuk mund t’u jepet një nënshtetësi tjetër apo të birësohen nga familje të tjera. Pra, e kemi thënë qartë dhe dua ta përsëris, kjo gjë po ndodh aktualisht në Rusi dhe nuk duhet të ndodhë më”.

Mijëra fëmijë ukrainas të rrëmbyer dhe të mbyllur

Për shkrimtarin ukrainas Oleksandër Miked, shkalla e rrëmbimit të fëmijëve nga Rusia është përtej imagjinatës. Në një postim në Twitter, ai shkroi se fëmijët ukrainas të mbyllur në kampe dhe objekte të tjera që nga pushtimi i Ukrainës, variojnë nga mosha 4 muajshe deri në 17 vjeç.

Sipas investigimeve ekzistojnë të paktën 43 objekte ku dërgohen këta fëmijë: “12 kampe rreth Detit të Zi, 7 në Krimenë e pushtuar, 10 të grupuara rreth Moskës, Kazanit dhe Ekaterinburgut. 11 nga kampet ndodhen mbi 800 km larg nga kufiri ukrainas, duke përfshirë dy kampe në Siberi dhe një në Lindjen e Largët Ruse.

Të paktën 32 prej këtyre kampeve janë angazhuar në përpjekje sistematike riedukimi që i ekspozojnë fëmijët ukrainas ndaj edukimit akademik, kulturor, patriotik dhe/ose ushtarak të fokusuar në Rusi”.

Miked nënvizon se si ky operacion po koordinohet në mënyrë qendrore nga qeveria federale ruse “dhe përfshin të gjitha nivelet e qeverisjes”. “Të paktën 12 nga këta zyrtarë nuk janë në listat e personave të sanksionuar nga SHBA dhe ato ndërkombëtare në përgjithësi…

Ju lutemi përhapeni të vërtetën rreth krimeve të luftës dhe mizorive ruse. Mos e harroni Ukrainën. Ju lutemi na përkrahni. Kjo është një luftë kundër njerëzimit dhe të ardhmes”-shkruan ai.

Përkthyer nga CNA.al





Lajmet e fundit nga