web counter
LEXO PA REKLAMA!

SHKARKO APP

App Store
Google Play

E fundit!

x

Zhvillohet sot ceremonia/ Klodjan Braho merr zyrtarisht detyrën si kreu i ri i SPAK-ut

22 Dhjetor 2025, 08:28, Aktualitet CNA


Këtë të hënë zhvillohet ceremonia e kalimit të detyrës tek kreu i ri i Prokurorisë së Posaçme Klodjan Braho, teksa Altin Dumanit i mbaroi mandati 3-vjeçar në krye të SPAK-ut.

Përmes një njoftimi zyrtar, mësohet se ceremonia do të zhvillohet në orën 10:00, në Sallën e Mbledhjeve të SPAK.

“Ceremonia e kalimit të detyrës nga Z. Altin Dumani te Z. Klodian Braho, një moment i rëndësishëm për sigurimin e vazhdimësisë dhe forcimin e mëtejshëm të punës së Strukturës së Posaçme kundër Korrupsionit dhe Krimitt ë Organizuar (SPAK). Aktiviteti zhvillohet të hënën, në orën 10:00, në Sallën e Mbledhjeve të SPAK”,-thuhet në njoftim.

Këshilli i Lartë i Prokurorisë votoi me shtatë vota pro Klodjan Brahos, i cili u shpall fitues mes katër kandidatëve në garë.

Klodjan Braho u lind në Skrapar më 21 korrik 1982. Në vitet 2000-2004 kreu studimet në Fakultetin e Drejtësisë dhe në 2005-2008 studioi në Shkollën e Magjistraturës. Mori emërimin më 14 nëntor 2007.

Më parë ka mbajtur këto detyra:

14.11.2007-2012/ Prokuror pranë Prokurorisë pranë Gjykatës së Rrethit Gjyqësor Berat.

2012-2015/ Prokuror pranë Prokurorisë së Gjykatës së Rrethit Gjyqësor Vlorë.

2014-2015/ Zv.drejtues i Prokurorisë pranë Gjykatës së Rrethit Gjyqësor Vlorë.

2015-19.12.2019/ Prokuror në Prokurorinë pranë Gjykatës së Shkallës së Parë për Krimet e Rënda Tiranë.

Nga 19 dhjetori 2019 ka shërbyer si prokuror pranë Prokurorisë së Posaçme kundër Korrupsionit dhe Krimit të Organizuar (SPAK)./CNA





Lajmet e fundit nga