web counter
LEXO PA REKLAMA!

SHKARKO APP

App Store
Google Play

Ndahet nga jeta gazetari dhe komentatori legjendar i sportit, Ismet Bellova

21 Dhjetor 2025, 08:25, Aktualitet CNA

Ndahet nga jeta gazetari dhe komentatori legjendar i sportit, Ismet Bellova

Gazetari dhe komentatori legjendar i sportit, Ismet Bellova është ndarë nga jeta në moshën 91-vjeçare. Sipas informacioneve, Bellova ka ndërruar jetë pak para mesnatës së 20 dhjetorit. Ndarja nga jeta e tij është një humbje e madhe për gazetarinë, sportin dhe median shqiptare.

Bellova është nderuar me tituj e dekorata të shumta, ndër të cilat janë: “Mësues i Popullit”, Urdhrin “Naim Frashëri” Klasi I dhe të Artë, Urdhrin e Punës Klasi I, “Nderi i Sportit Shqiptar”, “Urdhri Olimpik”, “Mirënjohja e Tiranës”, “Nderi i Sportit Dibran”, si dhe titullin “Kalorësi i Urdhërit të Flamurit”.

Ismet Bellova lindi më 1 qershor 1934, në Tiranë në një familje dibrane. Pas mbarimit të shkollës së mesme ka punuar për pak kohë si mësues në shkollën pedagogjike në Peshkopisë dhe në krye të Komitetit të Kulturës Fizike e Sporteve të Dibrës. Ai ka botuar :” Portierë të mëdhenj”, “Visare të Sportit shqiptar” (bashkautor), “Fjalori i termave sportive”, “Kupa kampionëve të Evropës” (bashkautor).

Për një periudhë prej më shumë se 50 vjetësh ka transmetuar ndeshje sportive si komentator sportiv në Radio-Televizionin Shqiptar. Në verën e vitit 2001, Bashkimi Ndërkombëtar i Gazetarëve e nderoi me Diplomë Nderi të nënshkruar nga Presidenti i Komitetit Olimpik Ndërkombëtar.

Homazhet zyrtare në nderim të legjendës së mikrofonit Ismet Bellova të bëhen të hënën më 22 dhjetor, ora 10:00-12:00 në hollin e RTSH-së./CNA





Lajmet e fundit nga