web counter
LEXO PA REKLAMA!

SHKARKO APP

App Store
Google Play

E fundit!

x

Mero Baze: Carlo Bollino dhe Irfani janë fundërrina në media

20 Dhjetor 2025, 13:07, Aktualitet CNA

Mero Baze: Carlo Bollino dhe Irfani janë fundërrina në media

Gazetari i familjes Veliaj, Mero Baze, në shkrimin e tij të fundit vazhdon të tregojë disa të vërteta, të cilat i ngatërron rrugës, nga lodhja, pleqëria, por edhe frika si të justifikojë pasurinë e vënë përpara drejtësisë. Kjo është çështje kohe, ajo vonon, por nuk harron.

Në një shkrim të tijin sërish Baze akuzon SPAK-un se ka nxjerrë dosjen “Balluku” dhe ata që e kanë publikuar janë fundërrina në media, duke akuzuar direkt Carlo Bollinon dhe Irfan Hysenbelliun, të cilët kanë qenë të parët që kanë publikuar fragmente të dosjes.

Mero Baze: Carlo Bollino dhe Irfani janë fundërrina në media
Artikull i publikuar ne median e Irfan Hysenbelliut
Mero Baze: Carlo Bollino dhe Irfani janë fundërrina në media
Artikull i botuar ne median e Carlo Bollinos

Mero shkruan:

“Edhe në rastin Balluku është e njëjta gjë. SPAK e ka shpallur sekret hetimor, por kjo nuk e ka penguar median të botojë pjesë nga dosja duke përdorur të njëjtët fundo-rina në media që përdorin gjithmonë”.

Mero Baze: Carlo Bollino dhe Irfani janë fundërrina në media

Se çfarë ka Merhumi me Carlon dhe Irfanin nuk e dimë e as na digjet barku, por të quash Carlon fundërrine se botoi nga të parët pjesë të dosjes së Ballukut është e tepërt. Le pastaj që janë në të njëjtin skalion në krah të pushtetit e Rilindjes për të shtuar pasuritë e tyre.

Carlo botoi pjesë të dosjes për diversion politik, por nuk ka publikuar pjesët kur i drejtohet ministres italisht dhe kur tregohet se nëpërmjet të tretëve në ARRSH po paguheshin 700 milionë për vetë fundërrinën Bollino siç thotë Mero.

Mediat e Carlo Bolinos ishin nga të para që publikuan dosjen “Balluku” dhe ishin më flamurtaret, kuptohet edhe duke manipuluar dhe krijuar edhe “fake news” që u shkojnë interesave të pushtetit ku paguhet Carlo.

Mero Baze: Carlo Bollino dhe Irfani janë fundërrina në media
Artikull i botuar ne median e Carlo Bollinos
Mero Baze: Carlo Bollino dhe Irfani janë fundërrina në media
Artikull i botuar ne median e Carlo Bollinos

Një tjetër media që publikoi dosjen ishte ajo e Irfan Hysenbelliut.

“Fokus Group”, që në fakt është një gropë, për inatet e vjetra që Fanes nuk i dalin me Ballukun publikoi pjesë nga dosja. Gazetari i familjes Veliaj e quan fundërrinë Fanen që në fakt është “vëllai” i zdromsit dhe avokat i tij mediatik po aq sa Baze.

Irfani e ka shpallur armike Ballukun se me Ramën nuk ia del, por dhe s’ia mban dhe kërkon të fshihet pas gishtit. Hysenbelliu ngelet një nga abuzuesit dhe mospaguesit më të mëdhenj të taksave në vend. Për Meron, gazetarin e familjes Veliaj, edhe Ifrani na qenka një fundërrinë, pasi dosja e Ballukut ishte shpallur sekret hetimor nga SPAK-u.

Mero Baze: Carlo Bollino dhe Irfani janë fundërrina në media
Artikull i botuar ne median e Irfan Hysenbelliut
Mero Baze: Carlo Bollino dhe Irfani janë fundërrina në media
Artikull i botuar ne median e Irfan Hysenbelliut

Pa folur për fundërrinat e tjera që sponsorizonin Fania apo Carlo në studio e tyre.

Për ta mbyllur, edhe ne kemi publikuar pjesë nga dosja, por vetëm dy ditët e fundit, kemi publikuar ato që Bollino nuk i nxori, pjesët më interesante se si media përfitonte qindra miliona nga tenderët e ARRSH-së.

Ndoshta në dosje do të dalë edhe Merhumi plak dhe për këtë ndoshta është mërzitur, por i premtojmë se pjesën e tij nuk do ta publikojmë si burrë i mirë e i ndershëm që është. Mjafton të thuash Mero Baze në media dhe të gjithë të thonë këllira.

I mjaftojnë pseudonimet që i kanë vënë dhe surrati që ka në media. Tashmë maska i është çjerrë, ai është thjesht një gazetar që qelb erë. Për përgjimet ku del ai do t’i japim mundësinë t’i publikojë vetë./ CNA





Lajmet e fundit nga