web counter
LEXO PA REKLAMA!

SHKARKO APP

App Store
Google Play

E fundit!

x

Momenti më i vështirë dhe mbresëlënës për Edi Ramën/ Nga lufta me sëmundjen e djalit te martesa

18 Dhjetor 2025, 22:36, Aktualitet CNA

Momenti më i vështirë dhe mbresëlënës për Edi

Kryeministri Edi Rama ka ndarë në një intervistë personale disa nga momentet më të vështira dhe më të paharrueshme të jetës së tij, duke prekur si sfidat profesionale ashtu edhe ato personale.

Rama tregoi se momenti më i vështirë ka qenë periudha kur ai po luftonte për të marrë drejtimin e Partisë Socialiste, ndërkohë që ndiqte në distancë ecurinë e sëmundjes së djalit të tij. Ai përshkroi këtë periudhë si një sfidë shumë të madhe, ku duhej të mbante energjinë, guximin dhe forcën për të udhëhequr ndryshimin në parti, ndërsa njëkohësisht kujdesej për familjen dhe shëndetin e fëmijës. “Në atë sfidë kanë qenë vendimtarë njerëzit rreth meje, duke filluar nga djali im, edhe pse ka qenë i vogël,” tha Rama.

Nga ana tjetër, momenti më mbresëlënës për të ka qenë martesa e tij e parë. Kryeministri rrëfeu se kjo eksperiencë ishte e veçantë, pasi ishte e rrethuar nga miq, shokë, familjarë dhe njerëz të dashur, duke e bërë atë një përvojë personale dhe emocionale që nuk do ta harrojë kurrë.

“Momenti më i vështirë ka qenë ai kur duhet ta bëja luftën për të marrë PS dhe duhet të ndiqja në distancë me shumë tensione ecurinë e sëmundjes së djalit tim, në të njëjtën kohë ishte sfidë shumë e madhe sepse duhet të isha energjik i qeshur guximtar i fortë për të marrë ndryshimin e PS, por duhet të ndiqja dhe djalin. Në atë sfidë kanë qenë vendimtarë njerëzit duke filluar nga ai vetë edhe pse ka qenë i vogël. Momenti më mbreslënësi ka qenë kur unë u bëra burrë i martuar ishte hera e parë që martohesha me dasmë me miq me shokë, fmiljarë dhe njerëz”, tha Rama./ CNA





Lajmet e fundit nga