web counter
LEXO PA REKLAMA!

SHKARKO APP

App Store
Google Play

E fundit!

x

Frika nga regjimi/ Rama: Më tërhoqën për flokësh, tallesha gjithë kohës

18 Dhjetor 2025, 21:48, Aktualitet CNA

Frika nga regjimi/ Rama: Më tërhoqën për flokësh,

Kryeministri Edi Rama ka rrëfyer në emisionin “Opinion” disa nga momentet kyçe të përballjes së tij me frikën gjatë viteve të fundit të regjimit komunist.

Rama tregoi se momenti i parë ishte reflektimi në errësirë gjatë një takimi, ku ideja ishte që mikrofoni të qarkullonte në sallë pa u parë njerëzit mes tyre. Sipas tij, frika më e madhe nuk ishte thjesht pluralizmi i mendimit, por guximi për të thënë gjërat hapur.

Një tjetër moment vendimtar, sipas Ramës, ishte nata kur, në shtëpinë e mikut të tij Ardianit, shkruan emrin e Enver Hoxhës si një “material armiqësor”. Ai tregoi se e fshinë disa herë tekstin, pasi ishte hera e parë që emri i diktatorit shkruhej në këtë formë dhe frika ishte ende e pranishme.

Kulmi, sipas tij, erdhi ditën kur përmendi publikisht emrin e Enver Hoxhës. “U ngritën të gjithë, ishte si të shënohej një gol. Kishte një lloj ekzorcizmi,” u shpreh Rama, duke përshkruar reagimin e sallës.

Ai rrëfeu gjithashtu se, edhe në përplasje fizike me autoritetet, nuk ndjeu frikë. “Më tërhoqën për flokësh, por nuk pata asnjë ndjesi tjetër përveçse tallesha gjatë gjithë kohës,” tha ai, duke shtuar se ndjesia e mungesës së frikës e shoqëroi vazhdimisht.

Rama kujtoi edhe ngjarjet e 11 janarit, në një ditë të ftohtë, kur lindi ideja për hartimin e një peticioni. Në të kërkohej rishikimi i figurës së Enver Hoxhës dhe lirimi i të burgosurve politikë. Peticioni u nënshkrua nga një pjesë e sallës dhe më pas iu dorëzua autoriteteve.

Ai e përshkroi si moment të paharrueshëm futjen në turmën e madhe të njerëzve dhe reagimin e fortë të publikut. “U tund i gjithë pallati kur thashë të rishikohet figura e Enver Hoxhës,” përfundoi Rama, duke e cilësuar atë çast si një thyerje përfundimtare të frikës ndaj regjimit.

"Momenti i parë ka qenë refleksioni i parë në errësirë, ideja ishte që mikrofoni të lëvizë në sallë dhe njerëzit mos ta shohin njëri-tjetrin. Firka ishte për të thënë gjërat më shumë se pluralzimi i mendimit me parti tjetër. Pas kësaj u bë e dyta, kur kemi qene në shtëpinë e Ardianit natën për të shkruar emrin e Enver Hoxhës të shkruar si një material armiqësor e kemi fhsirë disa herë. Ishte hera e parë që e shihje të shkruar si material armiqësor, dilte nga ne. Në fund i them Ardianit fshije dhe nesër kur ta printoj do ta shkruajmë.

Ajo që ka ndodh atë ditë kur kam përmend emrin e Enver Hoxhës u ngritën të gjithë u bë sikur ishet bërë një gol. Kishte një ekzorcizëm.

Unë e kam pasur nja dy tre situata që kanë qenë përplasje por asnjë moment s’kam ndjerë frikë. Kisha ndjesinë që nuk kisha frikë. Më morën më tërhoqën për flokësh. I kisha flokët më të gjata, por nuk kam pasur asnjë ndjesi tjetër veçse tallesha gjithë kohës. Kur u bë ajo gjëja e madhe doli i dnejri Kasem Trebeshina dhe pastaj. Ishte 11 janar ishte ftohtë dhe ishin rrotull makinat dhe mendova tani do mbaroj do ikim, këtu televizion s’ka , gazeta s’ka, dhe aty më lindi ideja thashë pse mos t’i them hajde firmosni një peticion dhe t’ia lëmë këtu.

Filloi u nënshkrua ajo që të rishikohet figura e Enver Hoxhës dhe të lirohen të burgosurit politik, salla ku u firmos ishte përgjysmë.

Futja në turmë e madhe të njerëzve që dëgjuan se nuk e harroj se u tund gjithë pallati kur thashë të rishikohet figura e Enver Hoxhës”, tha ndër të tjera Rama./ CNA





Lajmet e fundit nga