web counter
LEXO PA REKLAMA!

SHKARKO APP

App Store
Google Play

E fundit!

x

Profil/ Kush është Fiona Papajorgji, kryetarja e re e Gjykatës Kushtetuese

18 Dhjetor 2025, 16:31, Aktualitet CNA

Profil/ Kush është Fiona Papajorgji, kryetarja e re e Gjykatës

Këtë të enjte u zgjodh në detyrë kryetarja e re e Gjykatës Kushtetuese, Fiona Papajorgji.

Papajorgji ishte kandidatura e vetme për këtë pozicion dhe është zgjedhur kryetare për një mandat 3-vjeçar, duke pasuar në detyrë Holta Zaçaj.

Papajorgji u lind më 12 mars 1976 në Vlorë. U diplomua në vitin 2000 në Fakultetin e Drejtësisë të Universitetit të Barit, Itali.

Në vitin 2012 mori gradën shkencore “Doktore e shkencave juridike” në Fakultetin e Drejtësisë të Universitetit të Barit.

Në vitet 2000-2008 ka ushtruar profesionin e asistent avokatit dhe me pas të avokatit pranë firmave ligjore në Bari.

Prej vitit 2007 e në vazhdim ushtron mësimdhënien si lektore e së Drejtës Publike në disa universitete, si dhe ka qenë eksperte në disa projekte pranë Agjencisë për Sigurimin e Cilësisë në Arsimin e Lartë, në procesin e përafrimit të legjislacionit etj.

Gjatë periudhës 2009-2011 ka punuar si juriste pranë Drejtorisë së Kërkimeve, Studimeve dhe Botimeve në Gjykatën Kushtetuese. Në vitet 2011-2019 ka ushtruar detyrën e këshilltares ligjore në Gjykatën Kushtetuese.

Papajorgji është autore e disa artikujve shkencorë në fushën e së Drejtës Kushtetuese. Në vitin 2019 është angazhuar nga Shkolla e Magjistraturës si pedagoge në dispozicion për vitin e parë të Programit të Formimit Fillestar.

Gjatë vitit 2020 ka ushtruar funksionin e anëtares së Këshillit të Emërimeve në Drejtësi.

Që prej muajit nëntor të vitit 2019, Papajorgji është emëruar anëtare e Gjykatës Kushtetuese./CNA





Lajmet e fundit nga