web counter
LEXO PA REKLAMA!

SHKARKO APP

App Store
Google Play

E fundit!

x

Carlo Bollino në përgjimet e Ballukut/ Këlliçi: Leçjani i parave publike, ushqehet si i babëzitur nga fondet shtetërore

19 Dhjetor 2025, 14:26, Aktualitet CNA

Carlo Bollino në përgjimet e Ballukut/ Këlliçi:

Deputeti i PD-së, Belind Këlliçi, ka reaguar pas daljes së Carlo Bollino-s në dosjen "Balluku", ku sipas komunikimeve të zbardhura ka marrë qindra miliona lekë nga ARRSH-ja.

Këlliçi thekson se media e keqpërdorur funksionon saktësisht për qëllimet më të ndyra, jo si pushtet i katërt, por si nënkontraktor i aferave korruptive të pushtetit kriminal.

Deputeti thotë se skema është si në rastin e Veliajt me inceneratorët, ku sipas tij, Carlo leçjani i parave publike, vijon të ushqehet si i babëzitur nga fondet shtetërore, këtë herë nën ombrellën e Belinda Ballukut, për të qelbur me propagandë opinionin publik.

Këlliçi shton se Carlo nuk është thjesht pronar mediash, por mishërimi i gazetarisë së blerë, i gazetarisë që shitet, që shërben, që mbron, vendos gjoba dhe sulmon sipas porosisë. Sipas tij Carlo Bollino është një kopje provinciale e “Tangentopolit” italian të fundviteve ’80, por pa dinjitetin e pendesës.

Ai thekson se jo vetëm zyrtarët e korruptuar, por edhe gazetarët gjobëvënës dhe pronarët e mediave që i shërbejnë sistemit kriminal, duhet të mbajnë përgjegjësi penale dhe morale.

“Media e keqpërdorur funksionon saktësisht për qëllimet më të ndyra, jo si pushtet i katërt, por si nënkontraktor i aferave korruptive te pushtetit kriminal.

Ndaj prej 12 vitesh godet opozitën, mbron pushtetin, relativizon skandalet dhe hesht për shpopullimin dhe mizerjen e jetës reale të qytetarëve. Mercenare dhe ekzekutore e një skeme të qëndrueshme interesi në kurriz të taksapaguesve shqiptarë. Ndaj edhe Dosja Balluku është kapitulli i radhës në manualin e përdorimit kriminal të medias.

Skema është primitive në thelb, por e rafinuar në formë. Media e Carlos kërkon “llogari” pse projektet e rryshfetit nuk po lëvrohen ende, ndërkohë që Ervis Berberi pranon se janë aprovuar plot 700 milionë lekë. As për interes publik, as për transparencë. Por për qarkullimin e parave brenda një rrethi të mbyllur pushtet–media. Interes i drejtpërdrejtë financiar mbi djersën e shqiptarëve, kontroll i redaksive për t’i kthyer në altoparlantë shpifës, shantazhues dhe mburojë politike për pushtetin.

Si në rastin Veliaj me inceneratorët, modeli është po ai: Carlo, leçjani i parave publike, vijon të ushqehet si i babëzitur nga fondet shtetërore, këtë herë nën ombrellën e Belinda Ballukut për të qelbur me propagandë opinionin publik.

Media, që nuk kërkon llogari pse u vodhën paratë publike, por pse nuk ka marrë ende pjesën e saj, ky është modeli i gazetarisë së Carlos

Carlo shfaqet kudo ku ka afera. Siç e kam denoncuar publikisht, ai qendron pas rrëmbimit të 4 mijë metrave katrorë truall publik në Tiranë, tokë e destinuar për shkollë, e shndërruar në godinë mediatike me para të përfituara nga fondet e AKSHI-t. Një simbol i përsosur i katandisjes së shtetit, një bankomat për klientët e tij.

Kështu, Carlo nuk është më thjesht pronar media, por mishërimi i gazetarisë së blerë, i gazetarisë që shitet, që shërben, që mbron, vendos gjoba dhe sulmon sipas porosisë. Një kopje provinciale e “Tangentopolit” italian të fundviteve ’80, por pa dinjitetin e pendesës.

Nuk mban më. Kjo simbiozë e pështirë duhet të marrë fund. Jo vetëm zyrtarët e korruptuar, por edhe gazetarët gjobvënës dhe pronarët e mediave që i shërbejnë sistemit kriminal, duhet të mbajnë përgjegjësi penale dhe morale.

Jo si viktima të presionit, por si pjesë aktive e skemës. Sepse paraja publike e gllabëruar dhe sulmet e paguara janë dy krime të njëjta. Dhe të dyja bëhen në kurriz të qytetarëve shqiptarë”, shkruan Këlliçi.





Lajmet e fundit nga