web counter
LEXO PA REKLAMA!

SHKARKO APP

App Store
Google Play

E fundit!

x

“Lëpirja” e radhës e Agron Gjekmarkajt

21 Dhjetor 2025, 09:07, Aktualitet CNA

“Lëpirja” e radhës e Agron Gjekmarkajt

Nënkryetari i Partisë Demokratike, Agron Gjekmarkaj e ka shfaqur servilizmin dhe lëpirjen e tij sërish, kësaj herë në foltoren e zhvilluar pasditen e djeshme në Kurbin.

“Doktor Berisha, a e shikoni atë pankartë atje sipër. Ajo flet qartë me zemër dhe me besë. Ne ju duam, ne ju besojmë. Ju mbetet të na udhëhiqni nga një dhjetor në tjetrin. Nga ai i vitit 1990 në të sotmin për një Shqipëri si gjithë Europa”, u shpreh Gjekmarkaj një ditë më parë.

Duke mos llogaritur nga vite ‘90, por vetëm në 4 ose 5 vitet e fundit, Gjekmarkaj është shfaqur jo një herë por disa herë me dy fytyra kundrejt qëndrimit për Berishën.

Tre vite më parë, ai deklaronte se nuk do të merrte pjesë në mbledhjet e grupeve parlamentare, për sa kohë Sali Berisha do të ishte pjesë e tryezës. Ai shkoi deri aty sa Berishën dhe mbështetësit e tij i krahasoi me talebanët që kishin pushtuar Kabulin lidhur me atë që kishte ndodhur më 8 janar të 2022.  

“Nuk kam shkuar se e kam shumë të freskët në kujtesë, 8 janarin që mund të ishte një ditë shumë tragjike. Tani e shoh si pushtim, si uzurpim të PD-së. Nuk do të jem kurrë një deputet i Sali Berishës, do të jem vetëm deputet i PD-së, në mënyrë që kjo parti të kthehet te vlerat e Europës. U duk sikur PD ra si Kabul, e erdhën talebanët për ta marrë”, deklaronte Gjekmarkaj asokohe.

Ndërkohë sot, Gjekmarkaj, shumë larg atyre që predikonte, është jo vetëm deputet i Berishës, por është edhe nënkryetar grupi dhe e shoqëron në shumë tryeza e takime kryedemokratin.

Me pak fjalë, ky është Agron Gjekmarkaj, një palaço politik i “thesit” të Lulzim Bashës dhe një nga njerëzit që janë në politikë vetëm se lëpijnë sa nga njëri krah, në krahun tjetër. /CNA





Lajmet e fundit nga