E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

"Benet Beci dhe qeveria po vjedhin shqiptarët”/ Kryetarja e PD në Shkodër: Më 22 dhjetor të mblidhemi për t’i larguar

21 Dhjetor 2025, 12:30, Aktualitet CNA

"Benet Beci dhe qeveria po vjedhin shqiptarët”/ Kryetarja e PD

Kryetarja e degës së Partisë Demokratike në Shkodër, Eliona Shkreli, iu ka bërë thirrje qytetarëve shkodranë për pjesëmarrje në protestën kombëtare që do të mbahet nesër në Tiranë.

Shkreli është shprehur gjatë deklaratës së saj se Shkodra mbahet peng nga një kryetar që sipas saj është produkt i krimit dhe bandave.

Shkreli shprehet se Beci dhe kjo qeveri po vjedhin taksat e shqiptarëve dhe shkodranëve dhe prandaj duhet të largohen.

Deklaratë e Kryetares së PD Shkodër, Eliona Shkreli:

Të nderuar qytetarë të Shkodrës!

Sot qyteti ynë mbahet peng nga një i korruptuar me emër e mbiemër: Benet Beci! Jo me fjalë, jo me thashetheme, me fakte, me dosje, me gjykim!

Ky njeri nuk mund të jetë më kryetar bashkie pasi ai është një produkt i krimi, i bandave, i një qeverie që e ka kthyer Shqipërinë në plaçkë!

Benet Beci mendon se Shkodra mashtrohet me koncerte, me drita, me foto fallso investimesh!

Por Shkodra ka kujtesë!

Shkodra ka dinjitet!

Shkodra nuk e përtyp propagandën!

Ky njeri i korruptuar po vjedh taksat e shkodranëve, po përdhos qytetin tonë dhe sot guxon të prekë zonën historike të Shkodrës, identitetin tonë, shpirtin e këtij qyteti! Po shkatërron të ardhmen e fëmijëve tanë! Po tallet me mundin dhe djersën e shkodranëve!

Ky mercenar politik duhet të japë dorëheqjen nga posti që e mban pa votë të pastër! Nuk fshihet korrupsioni pas mjekrës! Nuk mbulohet vjedhja me mëngë të përveshura! Nuk pastrohet krimi me propagandë!

Benet Beci duhet të japë dorëheqjen pasi ai nuk mund të përfaqësojë më Shkodrën e kulturës, historisë dhe trashëgimisë!

Të dashur qytetarë Shkodranë!

Sot nuk ka të majtë e të djathtë!

Sot ka vetëm një vijë ndarëse:

ose me Shkodrën, ose me hajdutët!

Kjo qeveri ka vjedhur dhe vazhdon të vjedhë taksat e shkodranëve dhe shqiptarëve!

Kjo qeveri Na ka vjedhur shpresën!

Na ka vjedhur rininë!

Sot ka ardhur koha ti themi mjaft më!

Mjaft më me mjerim, shkodranët dhe shqiptarët meritojnë shpresë, dhe mirëqënie ekonomike!

Të hënën, më 22 dhjetor ora 18.00, ju ftojmë në protestën kombëtare në Tiranë, të mblidhemi të gjithë bashkë dhe të mbushim sheshin!

Të ngrejmë zërin!