web counter
LEXO PA REKLAMA!

SHKARKO APP

App Store
Google Play

Zhdukja e koleksionit të verave të Agasit/ Në hetim edhe përgjegjësit e Doganave

21 Dhjetor 2025, 17:29, Aktualitet CNA

Zhdukja e koleksionit të verave të Agasit/ Në hetim edhe

Prokuroria e Tiranës ka shpallur në kërkim Eno Agasin, kushëririn e biznesmenit Ergys Agasi. Ai është djali i xhaxhait të Agasit, i cili dyshohet se ka hequr nga një kantinë sasi vere me vlerë miliona euro, në pronësi të Ergys Agasit.

Bazuar në hetime, gjatë një kontrolli në banesën e Agasit, hetuesit e BKH zbuluan një kantinë vere, ku ndodhej koleksioni shumëvjeçar “Petrvs Pomedol”, që dyshohej si mall kontrabandë.

Por, për këtë çështje nuk po hetohet vetëm zhdukja e koleksionit të shtrenjtë të verës “Petrvs Pomedol”, por edhe përgjegjësia e strukturave Drejtorisë së Doganave, që vend që ta sekuestronin dhe transportonin menjëherë, e kishin lënë mallin në ruajtje në objekt.

Burime për mediat bëjnë me dije se sipas hetimeve, Eno Agasi ka larguar gjatë natës sasinë e verës nga kantina dhe më pas ka hequr edhe serverin e kamerave të sigurisë. Dhe kur furgonët e Doganave janë rikthyer për të marrë mallin dhe për ta dërguar në ruajtje, kanë konstatuar se vera nuk ndodhej më në kantinë.

Strukturat doganore kryen inventarizimin për disa orë dhe përllogaritën një dëm prej rreth 400 milionë lekësh në buxhetin e shtetit, si pasojë e mospagimit të akcizës. Për shkak se kontrolli u zhvillua gjatë natës dhe transporti nuk mund të realizohej, malli u la përkohësisht në ruajtje në ambientet e vilës, prej nga ku Eno Agasi hoqi mallin./CNA





Lajmet e fundit nga