E fundit!

13:05 Aktualitet

Kallëzohet në SPAK Edi Rama

Grupi Parlamentar i PD kallëzon në SPAK Edi Ramën për vepr...

Zgjidhet kryetarja e re e degës së PD-së në Sarandë

22 Shkurt 2026, 21:38, Aktualitet CNA

Partia Demokratike në Sarandë ka zhvilluar ditën e sotme zgjedhje për kryetar dege. Më shumicë votash nga anëtarësia pjesëmarrëse, konkretisht 145 vota, Matilda Qurku është zgjedhur kryetare e PD-së në Sarandë.

Matilda Qurku

Në garë për drejtimin ishte dhe Kreshnik Shehu, i cili mori 64 vota. Ndërkohë 6 vota u shpallën të pavlefshme. Bëhet me dije se në proces morën pjesë 215 votues nga 1280 të regjistruar.

Lidhur me zgjedhjet ka reaguar edhe deputetja Ina Zhupa, e cila falenderoi ish-kryetarin e degës, Shpëtim Ahmetin. Në postimin e saj, Zhupa shprehet gjithashtu se do të vazhdojnë me organizimet për protestën e 28 Shkurtit.

Postimi i plotë:

Dega e Sarandës zhvilloi zgjedhjet për drejtimin e ri të saj.

Nga sot, kryetarja e re e zgjedhur është znj. Matilda Qurku. I uroj punë të mbarë në këtë mision që ka marrë përsipër dhe ka të gjithë mbështetjen dhe dashamirësinë time, si dhe të kryesisë, për të bërë një punë sa më të mirë së bashku.

Dua të falenderoj nga zemra kryetarin Z. Shpëtim Ahmeti, për kontributin e çmuar në një vit të vështirë drejtimi të degës, gjatë një fushate elektorale përballë narkorregjimit. Z.Ahmeti mbetet një bashkëpunëtor i çmuar dhe vlerë e Partisë Demokratike, dhe do të vazhdojë në funksionin e tij si nënkryetar i zgjedhur të kontribuojë për degën dhe betejat elektorale që na presin.

Përzemërsisht falenderoj edhe kandidatin Z. Kreshnik Shehu, një djalë me vlera, i palodhur në detyrat e dhëna gjatë fushatës dhe në ushtrimin e funksionin e tij si sekretar ligjor dhe zgjedhor.

Matilda dhe Niku zhvilluan një garë qytetare, me respekt dhe dinjitet, dhe do të vazhdojnë të jenë bashkëpunëtorë të ngushtë në degë.

Mirënjohje anëtarëve të Partisë Demokratike për pjesëmarrjen në votime, ata janë zemra e Partisë Demokratike. Një përgëzim të veçantë për seriozitetin dhe punën komisionit zgjedhor në degë, me në krye Z.Erjon Shabani.

Të gjithë së bashku vazhdojmë organizimet për protestën e radhës, më 28 Shkurt.