web counter
LEXO PA REKLAMA!

SHKARKO APP

App Store
Google Play

Thirrje raciste ndaj shqiptarëve/ Balla reagon ashpër: Federata e Futbollit e RMV të marrë masa të rënda

22 Shkurt 2026, 20:02, Aktualitet CNA

Thirrje raciste ndaj shqiptarëve/ Balla reagon ashpër: Federata e

Kreu i Grupit Parlamentar të Partisë Socialiste, Taulant Balla ka reaguar përmes një postimi në rrjetet sociale për thirrjet raciste kundër futbollistëve dhe stafit të K.F. Bashkimi 1947 në një ndeshje të zhvilluar dje të kampionatit të Maqedonisë së Veriut.

Balla ka dënuar fyerjet dhe shprehet se ndëshkimet nga Federata e Futbollit në Maqedoninë e Veriut duhet të jenë aq të rënda sa thirrjet kundër shqiptarëve. Ndër të tjera ai shton se do të jetë gabim i pafalshëm nëse në Maqedoninë e Veriut mbyllen sytë ndaj kësaj ngjarje.

Postimi i plotë:

Si dashamirës i futbollit, por dhe si një deputet i Kuvendit të Shqipërisë, shpreh shqetësimin e thellë për incidentet dhe dënoj ashpërsisht fyerjet me bazë nacionaliste e rraciste kundër futbollistëve dhe stafit të K.F. Bashkimi 1947 në një ndeshje të zhvilluar dje të kampionatit të Maqedonisë së Veriut.

Thirrjet kundër shqiptarëve ishin shumë të rënda dhe po aq të rënda duhet të jenë masat e ndërshkimet e ndërmarra nga Federata e Futbollit në vendin fqinj.

Nëse futbolli europian dhe ai botëror gjatë kësaj jave u solidarizua me futbollistin e Real Madrid Vinicius, e njëjta gjë duhet të ndodhë me djemtë e ekipit dhe stafit të K.F. Bashkimi 1947 në Maqedoninë e Veriut. Do të jetë gabim i pafalshëm nëse në Maqedoninë e Veriut mbyllen sytë ndaj kësaj ngjarje!





Lajmet e fundit nga