E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

Dëmtimet që shkaktuan bllokimin e aksit Librazhd-Pogradec/ Prokuroria e Elbasanit nis hetimet

22 Shkurt 2026, 11:30, Aktualitet CNA

Dëmtimet që shkaktuan bllokimin e aksit Librazhd-Pogradec/ Prokuroria

Prokuroria pranë Gjykatës së Shkallës së Parë të Juridiksionit të Përgjithshëm Elbasan ka njoftuar nisjen e procedimit penal për dëmtimet që shkaktuan bllokimin e plotë të qarkullimit në aksin rrugor Librazhd-Pogradec.

Hetimi është regjistruar për disa vepra penale sipas Kodit Penal, duke përfshirë: Shpërdorim detyre (neni 248) Shkelje e barazisë në tendera apo ankande publike (neni 258) Shkatërrim të rrugës (neni 155) Ndotje të ajrit, ujit ose tokës (neni 201)

Për këtë qëllim, është krijuar një grup hetimor që do të kryejë të gjitha veprimet e nevojshme për të identifikuar përgjegjësit dhe për të zbardhur rrethanat e rastit.

Prokuroria thekson se veprimet e saj synojnë përgjegjësinë ligjore dhe mbrojtjen e infrastrukturës publike, duke siguruar që rastet e tilla të mos përsëriten.

“Prokuroria pranë Gjykatës së Shkallës së Parë të Juridiksionit të Përgjithshëm Elbasan, në përgjigje të interesimit të mediave të ndryshme, ka bërë me dije se ka filluar kryesisht procedimin penal për dëmtimet që kanë sjellë bllokimin tërësor të qarkullimit në aksin rrugor Librazhd-Pogradec.

Ky procedim penal është regjistruar për veprat penale “Shpërdorim i detyrës”, “Shkelje e barazisë në tendera apo ankande publike”, “Shkatërrimi i rrugës”, “Ndotja e ajrit, ujit apo tokës”, parashikuar respektivisht nga nenet 248, 258, 155 dhe 201 të Kodit Penal.

Për këtë qëllim është krijuar një grup hetimor” ka njoftuar Prokuroria e Elbasanit.

Më herët, Autoriteti Rrugor Shqiptar ka ndarë disa udhëzime, duke marrë shkas nga situata e rënduar e trafikut, si pasojë e bllokimit të aksit nacional Librazhd-Prrenjas, në vendin e quajtur “Arrat e Gurrës”.

Sugjerohet përdorimi i akseve alternative si më poshtë:

Për autoveturat:

Maliq – Lozhan – Strelc – Gramsh – Elbasan

Qafthanë – Pogradec – Korçë – Leskovik – Përmet – Tepelenë

Për mjetet e tonazhit të rëndë:

Pika doganore Qafë Thanë – Maqedoni – Pika doganore e Bllatës – Rruga e Arbërit

ARRSH kërkon ndjekjen me kujdes të sinjalistikës rrugore si dhe udhëzimet e Policisë Rrugore./ CNA