web counter
LEXO PA REKLAMA!

SHKARKO APP

App Store
Google Play

E fundit!

x

Shembja e urës në Librazhd-Prrenjas/ Kikia: 25 vite pa mirëmbajtje, kosto për shqiptarët

21 Shkurt 2026, 20:55, Aktualitet CNA

Shembja e urës në Librazhd-Prrenjas/ Kikia: 25 vite pa

Gazetari Mentor Kikia ka ndarë një shqetësim lidhur me ngjarjes pas shembjes së urës në aksin Librazhd-Prrenjas.

Përmes një postimi në rrjetet sociale, Kikia shprehet se punimet e kryera rreth 25 vite më parë kanë mbetur me aq dhe në gjithë këtë periudhë nuk është bërë asnjë punim mirëmbajtës.

Sipas gazetarit, veç dëmeve mjedisore të shkaktuara në ujërat e Shkumbinit, dëme të tilla shoqërohen edhe me kosto financiare, që duhen paguar nga qytetarët shqiptarë.

“Pse po shembet rruga Librazhd – Qafë Thanë?

Rruga Elbasan – Qafë Thanë ka qenë një nga akset me standardin më të lartë të sigurisë dhe cilësisë, e ndërtuar rreth 25 vjet më parë nga një kompani maqedonase. Gjatë gjithë kësaj kohe, as gropa në asfalt nuk ishte shfaqur, edhe pse nuk ka pasur asnjë mirëmbajtje deri tani.

Anomalitë e krijuara në këtë aks gjatë muajve të fundit duhet kërkuar tek kompania që po ndërton rrugën e re, Korridorin 8. Kjo kompani ka kryer atë që mund të quhet një masakër mjedisore mbi lumin Shkumbin dhe të gjithë luginën e tij. Nga Rrogozhina deri në zonën ku po shembet ura, rruga po ndërtohet me zhavorr të marrë nga shtrati i lumit, duke shkatërruar totalisht shtratin e tij.

Për më tepër, asnjë përrua nuk është lënë pa u gërryer për të marrë inertet. Një pyetje e thjeshtë lind: a duhet përdorur zhavorri i lumit me gurë të rrumbullakët dhe të lëmuar për shtratin e rrugës? Le ta japin përgjigjen inxhinierët.

Gjithsesi, shembjet e rrugës ekzistuese ndodhin pikërisht aty ku po ndërtohet traseja e re. Çdo dëmtim ka një faturë financiare, të cilën nuk duhet ta paguajmë ne”,-shkruan Kikia./CNA

Shembja e urës në Librazhd-Prrenjas/ Kikia: 25 vite pa

 

 





Lajmet e fundit nga