web counter
LEXO PA REKLAMA!

SHKARKO APP

App Store
Google Play

E fundit!

x

Rrëshqitjet në aksin Librazhd-Pogradec/ ARRSH: Ndalohet qarkullimi i mjeteve të tonazhit të rëndë dhe i autobusëve

21 Shkurt 2026, 09:50, Aktualitet CNA

Rrëshqitjet në aksin Librazhd-Pogradec/ ARRSH: Ndalohet qarkullimi i

Autoriteti Rrugor Shqiptar ka njoftuar përmes një reagimi se situata e rrëshqitjes në aksin Librazhd-Pogradec, vendi i quajtur Arrat e Gurrës, është agravuar ndjeshëm gjatë orëve të fundit.

ARRSH ka bërë me dije se, si rrjedhojë e situatës, do të ndalohet qarkullimi i mjeteve të tonazhit të rëndë dhe i autobusëve në këtë segment, deri në një njoftim të dytë.

Gjithashtu u është bërë thirrje drejtuesve të mjeteve të tonazhit të rëndë dhe operatorëve të transportit të shmangin këtë aks dhe të përdorin rrugë alternative.

Njoftimi i policisë:

Në vijim të njoftimit të mëparshëm për aksin Librazhd-Pogradec vendi i quajtur Arrat e Gurrës, ju informojmë se situata në vendin e rrëshqitjes është agravuar ndjeshëm gjatë orëve të fundit.

Pas vlerësimit në terren, Autoriteti Rrugor Shqiptar, në koordinim me Policinë e Shtetit, njofton se:

Do të ndalohet qarkullimi i mjeteve të tonazhit të rëndë dhe i autobusëve në këtë segment, deri në një njoftim të dytë, për arsye sigurie.

U bëjmë thirrje drejtuesve të mjeteve të tonazhit të rëndë dhe operatorëve të transportit të shmangin këtë aks dhe të përdorin rrugë alternative, deri në stabilizimin e plotë të situatës.

Kërkojmë mirëkuptimin e të gjithë përdoruesve të rrugës. Çdo masë e marrë ka si qëllim të vetëm garantimin e sigurisë së jetës dhe parandalimin e incidenteve të mundshme.





Lajmet e fundit nga