web counter
LEXO PA REKLAMA!

SHKARKO APP

App Store
Google Play

E fundit!

x

FOTOT- Autoriteti i Dosjeve, aktivitet për 20 Shkurtin në TES/ Historia si mësim për brezin e ri

20 Shkurt 2026, 14:06, Aktualitet CNA

FOTOT- Autoriteti i Dosjeve, aktivitet për 20 Shkurtin në TES/

Në kuadër të 20 Shkurtit, dita e kujtesës dhe reflektimit mbi të kaluarën komuniste, u zhvillua një aktivitet edukativ me nxënësit e shkollës jopublike TES (Tomorrow Education School), pjesë e kalendarit “Udha e Kujtesës”.

Veprimtaria u fokusua në çështjen e të drejtave të njeriut gjatë diktaturës, duke marrë shkas nga shfaqja e dokumentarit “Ana tjetër e Valiasit”, prodhim i vitit 2025. Filmi dokumentar trajton realitetin e internimeve dhe vuajtjet e mijëra familjeve shqiptare në kampin e Valiasit dhe në kampe të tjera të vendit.

Një moment i veçantë i takimit ishte dëshmia personale e Vilma Mirakajt, e cila ka kaluar fëmijërinë në internim. Ajo ndau me nxënësit përjetimet e saj mbi jetën në izolim, sfidat e përditshme dhe forcën për të qëndruar përballë padrejtësisë.

Gjatë aktivitetit u prezantuan edhe botimet e përgatitura për arsimin parauniversitar në kuadër të platformës “Mësojmë nga e Kaluara 1944–1991”, të cilat synojnë të ndihmojnë nxënësit në kuptimin kritik të historisë së periudhës 1944–1991.

Në përmbyllje, disa prej këtyre botimeve iu dhuruan bibliotekës së shkollës, me synimin që të shërbejnë si materiale mbështetëse në procesin mësimor dhe në edukimin qytetar të të rinjve./CNA

FOTOT- Autoriteti i Dosjeve, aktivitet për 20 Shkurtin në TES/

FOTOT- Autoriteti i Dosjeve, aktivitet për 20 Shkurtin në TES/

FOTOT- Autoriteti i Dosjeve, aktivitet për 20 Shkurtin në TES/

FOTOT- Autoriteti i Dosjeve, aktivitet për 20 Shkurtin në TES/

FOTOT- Autoriteti i Dosjeve, aktivitet për 20 Shkurtin në TES/

FOTOT- Autoriteti i Dosjeve, aktivitet për 20 Shkurtin në TES/





Lajmet e fundit nga